11/ 跟住就係等見主任，我係頭幾個號碼所以等5-10分鐘左右就入去。入到去主任就會收齊身份證副本、揀樓通知書、本票、支票嗰幾樣嘢，之後就會簽一堆聲明書同文件。呢度都係聽同跟指示做，就唔多講。
12/ 簽好晒文件，就完成咗大半喇。主任會畀張紙仔你，行返出去等。我嚟到呢度，時間大概係10:15。呢個時候，如果肚餓都可以去食個早午餐先，因為都可能要等... 一段時間。呢段時間亦都冇嘢需要做。
13/ 我食完嘢返去就啱啱有得拎文件，對完文件資料正確就可以走。
14/ 一出門口就有中銀、匯豐、恆生三間銀行嘅按揭貸款職員，申請咗先，唔一定要即時揀，有超市coupon總共$750（恆生$200 惠康 / 中銀 $300百佳 / 匯豐 $250 惠康）。恆生同中銀喺樓下就有得做申請，匯豐要行去分行。
15/ 提提大家，每晚其實都有上載最新賣出單位嘅資料：
https://www.housingauthority.gov...ctions-lai-tsui.pdf
我通常8點上去睇就已經有，可能更早就有。可以前一晚做定準備。
16/ 成個程序大致上就係咁，值得一讚嘅係職員嘅態度好好，好有耐性，指示亦都好清晰嘅。如果有擔心或問題，隨時發問啦。
17/ 大致上我諗到可以分享嘅就係呢啲喇，希望幫到大家啦。祝大家好運，揀到心水單位！
