回應 #14 ThomasLo2018
sorry 輪壇新手，請見諒。我重貼1-5:
多謝呢度各位大大提供嘅資訊，我屋企揀咗樓喇，都想同大家分享吓成個程序，畀大家參考！
1/ 28/3 收到信通知揀樓，我係4/4 09:00時段。信上面已經寫明要帶嘅嘢，記得執齊，同埋去銀行開本票。觀塘開源道間中銀、匯豐同恆生都可以免$50 手續費。
2/ 4/4 08:40 去到，已經好多人到咗。不過唔使急嘅，第一個時段亦唔使提早太多到。等候範圍冇限人數。
3/ 09:00先開始喺出面排隊（唔使跟number）入去「簡介會」，職員會睇兩樣嘢：1/ 揀樓通知書（即係封信）2/ 申請人身份證。長者申請最多可以連長者業主在內3個人入去，非長者申請最多2個人入去。行動不便嘅長者可以優先入去坐。呢度排隊/入場先後，係唔影響揀樓次序嘅，所以唔使急，慢慢嚟。
4/ 呢度留意返，GE長者申報人，長。者。一。定。要。親。身。到。場。如果有特別原因嚟唔到，要事先搵律師做授權書（詳情我唔清楚）。今日見到有人因為長者冇到，又冇做授權就入唔到去。
5/ 大概09:10 就入晒去「選樓登記處」，排排坐聽講座，會叫number點名。入去嘅時候會派一張藍色紙仔畀你寫想揀嘅5個單位，唔一定要填嘅，係方便入到去揀樓嘅。點完第一次名就有一段大概10分鐘嘅簡報睇，都係講返嗰啲買賣要注意嘅事項。睇完簡報，如果大家冇問題問，會再點一次名。
