回應 SKWCK84
居屋係咪起靚d?
zxcvbnm123 發表於 2019-09-10 01:07:52 原文
唔係都係清水樓咩?其實以前公屋同居屋真係好大分別,果陣一條居屋屋苑+一條公屋邨,共用商場同街市,而果陣既公居屋既差別真係好大。自董建華年代開始,果陣既公居屋係設計上基本上係用同一套模式起,採光度、通風度等等,例如一間新既2房公屋,同一間新既2房居屋,基本上係一樣,或許係面積上有小許分別(但唔好忘記,大左佢一樣收多你大左既錢),但個設計係一樣的。咁有人會問,居屋同綠置(暫時綠置係以現時公屋黎批出)係咪無分別,答案唔係,如果你係追求有3房單位,本身只有少許既新居屋先有,但另一方面由於當初起綠置時(景泰同麗翠就係呢個例子)係無預期係做綠置,因此佢係以一個公屋既規劃黎設計,而係公共空間既規劃上,公屋既比居屋落本,因為公屋原本既設計唔係用黎賺錢,公共空間花多d資源,反之如果本身個項目係居屋,發展果個一定唔希望賣唔到既公共空間唔想用太多資源落去,所以如果追求少量3房單位,就一定係居屋,如果單以相同既則黎比,綠置其實某程度上更好。