快d 起業主立案法團然後換管理公司!
hk1989 發表於 2019-10-20 01:02:42 原文
我覺得睇定d先，首先而家裝修期咁亂，因為全部都係要交樓既公屋居，所以有時間上既限制太多人一齊裝修，基本上我諗其他公司既結果亦唔會差太遠，反而入左伙睇下個服務點先。另外都係果個問題，換左第二間公司服務會唔會相近，價錢會唔會差好遠，呢d都係考慮。
最後一點，係我未了解但有可能發生既事，就係即使成立左法團，但畢竟有2座係房署既，我記得地鐵好多屋苑都係咁，計埋公家面積佢係大業主，所以法團亦無權去決定用邊間公司，你要肯定麗翠苑唔係呢個情況,因為停車場，商場同有2座既範圍係房署擁有，而且第4座既綠置單位地下係全屋苑既垃圾站，我唔相信我地同公屋果邊會以兩間管理公司運行，不過如果成立左既話，意見上管理公司或者房署都應該會接受既。
