其實今時今日既排污系統設計，低層（特別係最低層）爆渠機會唔會好似舊樓咁高危，好似以前德褔咁，最低層單位果陣我聽過好多人話爆屎渠，成屋都係屎，呢d單位真係要買定保險先掂。
另外關於cf倒水問題，其實無可厚非，因為最大條既去水渠就係呢條屎渠，一般用完既污水都會倒入去，問題唔會太大，大原則有2個：1:唔好將英泥沙倒入去，用淨既應該倒入泥頭袋入面再棄置，膠沙同其他類似物料亦應該咁處理，簡單黎講只倒液體；2:正如第一點，倒入去既基本都係液體，但由於始終係裝修廢水，所以可能會有雜質，例如沙，小量英泥等，而我覺得應該要加返大量既水去沖多次會較好
