有心要買嘅，十居其九幾十年前一早已經買晒，住緊都唔買嘅，當中一定有原因，依家通常剩低嘅九成九九九係豬頭骨。一路無買嘅原因不外乎係：
1．道友或咬緊老綜／傻、癲、喪嘅其中一範（全部租金由阿公睇數，所以唔會咁笨科水買）；
2．個單位面積實在太細無乜令到佢買嘅誘因（有啲真係得嗰百零二百尺，唔適合組織家庭，生仔娶老婆）
3．原租戶住咗好一段時間都無買，一定係察覺到或發現個單位 “有啲嘢”（例如：有靈體、單位本身潛在結構性無法修補嘅先天缺陷、個單位十分、非常容易塞屎渠搞到 “遍地黃金”）
4．最後一個、亦係好普遍嘅現象：以前一個老豆養全家真係無乜錢，到依家仔大女大甩身，當初計劃最先推出只係賣十零廿萬無買，依家想話補飛買番，但樓價係咁升，亦一年比一年貴，越唔買個價係咁逐年加上去，喺今日無任何折扣情況下，一個正常有三百幾四百尺嘅，普遍都要賣四十幾五十個，覺得唔抵，始終過唔到自己個心理關口，所以最後都係無買！
