方便大家作出投訴， 整了個懶人包， 大家可用以下嘅觀點 去 投稿 報料 同 投訴。
1. 佢哋用 邊條 條例乜嘢法例 賦予佢哋有呢個權力去改我哋屋苑 範圍 嘅設計， 同限制入我哋屋苑嘅車輛 嘅行駛 路徑同方向？
2. 佢哋聲稱 屋苑 本來 嘅設計 有風水問題, 但風水 一向衹屬玄學上嘅討論, 並無任何科學 實據 同數據去支持
3. 佢哋一方面 聲稱本來嘅設計有安全問題,
另一方面佢哋郤 把 我哋停車場入口嘅闊度由原來嘅21米 改做10.5米, 入口闊度縮小 只會令車輛 逗留喺道路上 嘅時間更加長， 車輛亦都會 擠塞 係道路， 造成道路擠塞 發生交通意外嘅機率亦都會大大提升， 此證明 實屬前後矛盾
4. 佢哋 聲稱 原來的設計 有安全問題, 卻沒有指出 有乜嘢安全問題， 就算真係有安全問題 但道路根本尚未開通，佢地如何得知有安全問題， 有否任何模擬測試？
5. 佢哋提出嘅設計， 要求貨車 在屋苑外嘅道路 直駛往迴旋處， 再喺迴旋處掉頭出返嚟(可參閲佢地的Facebook links, 前幾個貼文已提供)， 是否可行？ 貨車嘅車身較長，一般要求司機要有較高的駕駛技術. 亦有數據指出( 可見運輸署的 道路交通意外數字)， 車輛喺迴旋處發生 交通事故嘅機率 對比直路上 嘅機率 往往更加大,這點亦 揭露了 佢哋聲稱嘅安全問題的矛盾。
6. 佢哋提出嘅新設計，要求貨車 在屋苑外嘅道路 直駛往迴旋處， 再喺迴旋處掉頭出返嚟。但 該處亦有另一條道路接駁迴旋處(可見Google maps )， 而該道路亦有車流會駛經迴旋處， 駛往東涌道方向。 當車輛喺迴旋處相遇，發生交通事故的機率更大， 該迴旋處及其相接的道路 闊度亦比較窄， 存在安全隱憂。佢地又有否模擬測試過該道路能否容納車流量？要避免交通 擠塞及交通意外，應把車輛盡快分流及疏道，以減少車輛逗留在主道路上，而不是要求車輛再行駛一段距離及掉頭方可駛入屋苑，此舉實在違反常理。證明佢地 所提出的新設計 並不比原來的設計好， 甚至更存在更多的安全問題。
7.在作出任何改動前，是否應先諮詢所有持分者？
8.任何人於進行此行動前是否已申報有否任何利益衝突？
p.s.以上各點皆僅爲本人所作出的分析及評論。
