睇之前補充翻一句，有樓住算好啦，呢個帖純粹就係預測景觀。(公屋係派, 你無權揀方向，本帖純係講下單位坐向同景觀)更著落嚟嘅兩個星期，我就會盡量幫大家分析一下各單位嘅景觀。有部分嘅新樓冇詳細嘅平面圖，我可能會參考同分區嘅平面圖黎參考下，我可能會幫d單位加號碼
(號碼僅供參考，實際上可能會唔一樣)本身想講海榮先
，估唔到富暉跑佐出黎，所以就先講佢d景觀先
(下個帖應該係匯智，之後應該會係漁進)(
單位數應該就差唔多嘅，圖片係由同分區搵出黎嘅) 先講翻啦，地盤位置係位於深旺道與東京街西交界、西北九龍填海區六號地盤
(位置圖)
圖片來源：http://cyclub.happyhongkong.com/viewthread.php?tid=270709
(我只喺加佐d數字落去，另外講句，幅圖實在太詳細，連指向邊d地方都講埋，順便感謝
我為樓狂分享呢個平面圖出黎)
海榮樓(順序1-22號單位)：
1-4號單位：全部單位向北
(西斜問題請注意)，單位靠近
深旺道所以底層單位可能會有
額外噪音問題。景觀方面，基本上就係望
文康大樓(大樓應該都唔係幾高，睇圖就話11樓以下先會睇到)西九四小龍仲有深旺道一帶(都算唔錯)。
5-7號單位：全部單位向西北
(西斜問題請注意)。
景觀方面，基本上就係望
文康大樓(大樓應該都唔係幾高，睇圖就話11樓以下先會睇到)海麗邨仲有深旺道一帶(有可能睇到荔枝角個頭，都算唔錯)。
8-10號單位：全部單位向偏西北
(日出問題請注意)。
景觀方面，基本上就係望
文康大樓(大樓應該都唔係幾高，睇圖就話11樓以下先會睇到)海麗邨深旺道仲有長沙灣一帶(應該可以睇到嘅，大約係興華街個頭)。
11-12號單位：全部單位向西南，單位靠近
西九龍公路所以底層單位可能會有
額外噪音問題。景觀方面，基本上就係望
海盈邨同條西九龍公路(未來海盈前面有私樓，會唔會擋到海就唔知，不過現階段12號單位應該可以睇海嘅，話說靠公路個邊居然冇隔音窗？)。
13-15號單位：全部單位向東北。
景觀方面，基本上就係望
深旺道發祥街西發展項目(高度我就唔知，但係會擋到一部分景觀)長沙灣一帶(矮層單位應該會睇到工廠？高層就開陽d)。
16-20號單位：全部單位向東南。
景觀方面，基本上就係望
海華樓深旺道同發祥街西發展項目(高度我就唔知，但係會擋到景觀)。
21-22號單位：全部單位向南，單位靠近
深旺道所以單位可能會有
額外噪音問題。景觀方面，基本上就係望
海華樓街市平台深旺道同發祥街西發展項目
(高度我就唔知，但係會擋到景觀)。
總結：海榮附近交通唔錯(樓下就係巴士總站，行一陣就到南昌站)，
生活配套都算齊(街市到時入伙都應該仲沒完工，但係可以到附近商場或者去海盈邨)，
風景都算唔錯，嚴格嚟講就係開頭住個排要行遠小小先可以買到野。
再重複返一句：
公屋係派, 你無權揀方向，本帖純係講下單位坐向同景觀。
繼續努力 
