黎緊巿區公屋新盤之一，富山邨富暉樓，已經有人收到配房信，預料會陸續編配，而且係直接編配而唔係預配，於是我都到場睇睇，睇咗就當然同大家分享吓。

富暉樓現址係原富山邨內的小學，基心小學拆卸後於2020年5月完成重建的，係單橦式Y 型，樓高36層，同邨有另外3 座於1978年建成的舊長型，詳細的背景同資料大家可以參考Wiki (URL: https://zh.wikipedia.org/wiki/%E5%AF%8C%E5%B1%B1%E9%82%A8)。

富山邨最近的港鐵站係鑽石山站，如果徒步上/落山需時20分鐘，有大量綠色小巴往還鑽石山港鐵站及黃大仙港鐵站，包括19M (鑽石山站 — 沙田坳邨), 19S (鑽石山站 — 慈雲山中心), 33A (海港花園 — 鑽石山站), 33M (海港花園 — 黃大仙站)，而九巴就有3D(慈雲山(中) — 觀塘(裕民坊)), 3M (慈雲山(北) —彩雲, 同5 (富山—尖沙咀碼頭)。邨內有架紅色小巴去荃灣的(坪石—荃灣)，但佢唔係直接去，而係在富山邨、荷李活廣場等等一帶免費兜晒您去坪石邨總站上車，先至去荃灣，而繁忙時間呢部紅色小巴係唔上富山邨的，要call 佢地(早更) 92009463 / 夜更 60521418至會上咁話！詳情可以睇呢個網址：http://www.16seats.net/chi/rmb/r_kn42.html  ，車程好似都要30 分鐘，唔知有冇高人可以核實。

邨內有個細、而且頗舊的單層街巿，入面有零星的檔口，好似紙紮舖反而有幾檔，重有唔知係咪亮點既佳寶(好似D凍 肉臭臭地，我自己冇買佢好耐，定係一間間唔同啦！)。平台有齊大家日常會幫襯的商戶，例如日本城,、7-11、Circle K、惠康(細細地，得5行貨架)、萬寧、759，食肆就有幾間頗舊式的茶餐廳、酒樓(其實我只見到個招牌)同大快活。

大家都有聽聞過富山邨隣近鑽石山火葬場、撒灰公園及蒲崗村道東華三院鑽石山殯儀館等，其實距離富山邨都重相隔一個九巴5號線的巴士總站同綠色小巴33M線的總站的，約450米，所以如果對呢D 事情有忌諱既可以唔好向山上行，就唔會見到咁應！咁點解話只係唔會中得咁應呢？其實重會有靈車出入。有會員曾經講過話，「靈車只會行斧山道，唔會行浦崗村道，富山邨見唔到」，其實只能夠話靈車只係行「斧山道果邊」，而唔係唔行浦崗村道，浦崗村道係一個大U 型的環山路，浦崗村道一邊出口係彩虹道，繞過鳳德邨再到龍蟠苑，果邊係細號碼，而另一邊就係接住斧山道，而鑽石山火葬場的地址係浦崗村道既199 號，靈車唔會行多民居的慈雲山方向(果邊三四條邨都有)，自然就係先經過富山邨再落斧山道，而在我去富山邨果，在斧山道一直行上浦崗村道不超過20分鐘時間，已經剛好見到兩架靈車經過。

最後，我拍咗富暉樓周邊的情況同埋富山邨街巿及平台情況畀未有時間，但都想睇睇富暉樓的朋友參考。

1. 富山邨富暉樓外觀及周邊


2. 富山邨街巿及平台商店


大家有咩消息或資訊就互相交流吓啦！謝謝！

嘩，好詳盡呀?

回應 #1 gobirdie

好詳細

我比較關心有咩好食

好似幾少食肆，可能要落翻去鑽石山或者牛池灣個頭

回應 #6 Ivan文

行過慈雲山會唔會多d

應該都會有幾多嘅，但係好似經過個墳場

好细心?