我唔肯定你住左幾耐公屋,但你用得大部份同學有70分黎比喻既話,你應該脫離左租務市場好耐,真係大部份70分既話住屋係香港就應該唔係大部份人ge問題。我亦唔明點解私樓租金唔可以用黎做參照標準,呢個係香港大部份租緊樓既人實實在在每一個月都要比嘅錢,好多人要比公屋好幾倍嘅租金先租到相同呎數單位,呢大班人你係咪已經無視左佢地?
係香港,公屋再整靚啲同大啲嘅話,咪只會吸引更多人不求上進去咁去排公屋,個社會又點會進步?想要有更好環境唔係應該要靠努力工作,幾時變左係政府責任?公屋只係一個保護網,如果你做人想hea無問題,但唔該唔好係度怨點解住得細住得差bababa
公屋資產限額上限四人家庭係月入154k或資產3.1m, 而你覺得自己搵到或儲到呢個金額比人趕走就好無保障,其實我都幾無言,如果我月入154k或有3.1m cash係咪都應該要排公屋?因為而家先知原來咁樣係好無保障
仲有,排唔排公屋係我個人選擇,反正要排任何時候都可以排,仍然有能力咪唔排住,至於點解買綠怡,抽到又有得揀,私樓又買唔起,點解唔買?