1a) 20年前嘅和諧式公屋比而家最新式嘅公屋大，我其實都唔係話要求好高，還原返去20年前已經唔錯。我只係...
SLLAM 發表於 2020-06-28 09:35:22 原文
1a) 咁可以點, 人就越黎越多, 塊餅就係得咁大, 人均面積唔係越黎越細唔通越黎越大? 不如剷晒啲山同填晒啲海黎起樓, 就算發展埋舊機場, 問題遲早一樣會出現
1b) 就係你果句 "要食好啲係冇得諗嘎啦，除非自己生在富貴家。" 你己經講左能夠食好啲係因為生係富貴家而靠努力係無得諗, 咁我就肯定唔係生在富貴家, 綠怡就點都好過我而家住緊果度, 咁我用我既努力又係啲乜 ? 你咁努力放棄公屋(仲要講到被迫咁慘)去買樓但又唔係生於富貴家, 我好想知你而家係咪即係住得差過以前 ? 我其實覺得你講啲野有啲好前後矛盾
2b) 你講到咁我真係好驚, 原來地產鋪係一個分贓洗錢地方, 仲要總有一間係左近。買樓係任何年代從來都唔係件易事, 你用而家眼光馬後炮咁睇返上一代人買樓, 即係你口中所講早你出世果班人, 就覺得佢地剝奪左你遲出世呢班人既權利, 仲要話佢地買果啲係賊贓, 你覺唔覺得咁樣簡直係抹殺左佢地啲努力, 老實講, 我真係覺得你咁諗真係非常自私, 你將來換樓我就打死都唔信你有得貴賣都唔賣寧願蝕讓平賣唔剝削他人
2c) 你成日講地權, 如果你有讀過經濟, 你應該知道真正意義上免費既野只有空氣, 一日唔死你都無得迫自己唔呼吸空氣 (放過我唔好同我拗潛水去火星用果啲空氣唔係免費), 就算水同陽光你都要花腳力走去搵水源同行去照到你既地方。未有人類果陣啲獅子老虎恐龍都要打一餐先霸到塊地做地盤, 還好人類唔係野獸, 可以用勞力取代互咬, 但你都要肯付出先有呢個土地使用權, 唔係你一存在就老馮比300呎土地使用權你, 呢個係千古不變定律, 至少係呢個世界就係咁, 無得你唔接受, 你可能唔係係錯既時間出世, 而係係錯既星球上出左世。
同埋可唔可以唔好再提空氣權, 如果政府真係夠膽收你空氣權使用費, 佢地根本就只係巧立名目去撿財, 你唔比佢地係咪殺左你唔比你呼吸 ?
3a) 你問我要唔要果300呎, 我就實答你梗係要架, 有左呢三百呎我就再無誘因去捱, 直頭拎埋綜緩做宅男, 稅都大條道理唔交, 你問我有咩理由唔要果300呎? 然後當個個人做唔做都有300呎時, 自自然然無晒誘因去做野交稅, 政府就越收越少稅, 最後就係連綜緩都唔夠錢比齊齊攬炒, 唔好以為好假設性想像, 人性天生就係咁, 當我做同唔做都有果陣, 點解要係我做而唔係你做?
當然, 你都可以話努力既誘因就係可以住多過300呎, 但你開左每人300呎呢個頭, 好快就會有個SLLAM 2.0 出黎話人應該要住600呎先夠, 成個問題只係由0呎shift左去300呎再重新開始過, 又係唔好以為呢個係好假設性想像, 人既貪婪係無窮無盡的。
其實都差唔多了, 再講會爛, 大家價值觀南轅北轍, 係我眼中你本來係一個空想派既自私L, 差不多從頭到尾都只提權利不提義務, 又剩係識得睇人結果唔睇人過程, 但當你最後講到月入154k同有3.1m cash既四人家庭其實係有需要住公屋果刻, 我其實都應該要摺埋收皮, 你咁為大家著想, 我再講落去就會阻住大家發達, 唯有希望下次你會為班無殼蝸牛發下聲, 幫佢地爭取下未買樓前不論入息資產都可以排公屋, 或比多啲居屋配額佢地啦
為大家謀利益既野係人都識講, 問題係現實條件實唔實現到, 講到天花龍鳯但不切實際就講乜都係假大空!
nice talking
