真係好開心今次輪到我同大家分享, 希望可以一齊分享裝修經驗.
30/11 今日攞鎖匙, 但因為要返工要由老婆攪手續, 收工都天黑未睇真,
            冇揀海景都冇後悔, 睇住張相先, 日後再繼續更新.

1/12   今日本來打算出去睇房門同門框,但因為要做趟門原來全部都要訂造,
           經果白行一次,好彩睇中隻摺門,咁廚房廁所門都換哂佢
           今日補張日頭相先.

3/12  因為門框要訂貨，星期四先到，今日只係嚟咗砂同泥，拆咗原有石台洗手盆，廚房門同同杉，

4/12  間屋機本上係未郁過，只有度廚櫃，浴屏，上淘X買咗燈，買咗煮食爐，油煙機，冷氣機
          浴室寶(送咗個焗爐仔，一套煲).電氣差唔多買齊，傢俬就木工上門做，所以就只有繼續等。

7/12  等完門框又要等師傅,今日終於間好間房,但第一個問題就出現,間隔同預算有出入,差咗五吋,
          隻門過咗五吋,即係一間房大咗五吋,另一間就細咗五吋,好彩中間冇牆都仲可以變,
          趙門開唔哂可能要拆門先入到傢俬。
10/12 間好房批好盪今日開始做電,預計兩日完工,估計加咗40個位，好彩自己人做唔計人工只收料錢，
            廚房本來只做木櫃加仿石,但師傅又話木櫃好快霉,結果都係做石屎台轉用麻石，咁做法嚴重超支,
            估計又要駛多萬幾。

11/12  因為想加快進度所以今日先做大房地台,等木工可以入料做準備,但都係唔樂觀,      
             等埋麻石就可以做埋泥水, 之後就係漫長嘅木工

15/12  停咗工幾日等麻石到,昨日到貨師傅又唔得閒要今日先裝,            
            上埋麻石真係好靚,超鐘意,本來最唔想要黑金砂，因為太普通,
            但多人同都必定有原因,再加埋老婆最鐘意嘅大星盆

18/12  昨日打好全屋地台，但都要今日先入到去睇，地磚揀得好鐘意，師傅手工都好滿意，
            但又要開始煩木工做傢俬，今日只係上咗部份料，師傅都要後日先得閒嚟開工，
            想分部份傢俬去傢俬鋪做，但都要$1300/尺，計落仲貴過上門做，要再搵多兩間格價。

5/1      真係好多日冇更新過，因為木工真係做得好慢，仲要師傅唔得閒幫我做，我間屋都算巴閉，
            要三組木工師傅嚟幫我做，仲要有兩個大衣櫃已經出去搵傢俬鋪做，再加埋自己舊有傢俬，
            真係成屋都係櫃，估計新做傢俬都至少要五萬好傷！
            今日送咗電器嚟，俾錢買果D唔特別，但送果D先吸引
            間電器鋪開頭都有D懷疑，因為係上網搵價錢又平，但上到去又好大間鋪都冇理由呃我一萬幾千，
            結果今日送咗嚟真係唔覺有問題，全部行送貨未開箱，裝咗油煙機唔錯
            贈品方面都幾滿意，買咗七件貨送咗六件，仲有一件佢口頭上話俾埋我，真係開心，
            各位如果有興趣可pm你地址，但一定要搵話得事果個先有用，     
            話哂都攞咗咁多着數都要做返D野。

10/1      木工差唔多完成，睇嚟做多兩三日就可以到油漆,舊屋熱水爐用唔返焗住買新,
            攞返D贈品都開心D。
22/1      木工做多咗，人工材料加埋好重皮，成間屋木工超過六萬，比預算多咗萬幾。
                   睇住我張床先啦。本帖最後由 Henry0826 於 2013-1-23 00:58:34 編輯

弓起你，有安樂窩

回應 1# Henry0826


   

回應 1# Henry0826


    我居然睇吾出果度系邊度.....................