一房單位三年賺300萬, 大家搞好D仲可以昇, 唔賣都開心
綠置居景泰苑業主放盤叫價500萬 料賺300萬部署移民或轉買私樓
景泰苑當年以市價六折推售，最貴單位售價不超過300萬元。3年過去，業主可免補價轉售予綠表買家，有業主已大賺逾倍離場。景泰苑業主陳先生（化名）當年以約208萬元購入一個實用面積約393呎單位，他坦言，當初買綠置居「真係想擁有一個屬於自己嘅單位」，但眼見屋苑不少業主將單位放售，更獲利逾倍，自己都「心郁郁」。約一個半月前，他透過地產代理在居二市場放盤，叫價約500萬元，「已經有6、7個買家上嚟睇樓」，單位轉手後，計劃購買私樓或移民。
陳先生3年前與家人申請綠置居，在幸運之神的眷顧下，由公屋仔變成業主，「嗰時交返間公屋買呢度（景泰苑），係想長住㗎！如果唔係都唔會用30萬裝修啦，都想自己住得舒服啲。」
3年過去，業主可免補價將單位轉售予綠表買家，陳先生眼見不少鄰居獲利逾倍離場，「我自己都心郁郁」，加上目前香港的政治環境不明朗，令他決心放售單位，「香港競爭力隨着中美關係⋯⋯成嗰局勢，（香港）以往特殊地位已經慢慢消失緊，物業價值都唔會好似以前咁風光...依家樓價都去到幾盡（高位），如果有綠表人肯買，點解唔賣？」他又透露，有地產代理指近月屋苑有不少業主放盤，「有經紀同我講，自從BNO可以移民去英國，多咗幾倍放盤，啲業主一係諗住移民，一係轉買私樓。」
單位叫價500萬元 6、7名買家睇樓
他在約一個半月前透過地產代理在居二市場放盤，初步估計最少可賺一倍，「我聽番啲經紀講，我呢隻size、393呎單位，嗰range都好闊，最近啱啱成交咗一單係480萬左右...依家就咁賣都（賺）超過一倍」。他直言，其單位開價約500萬，「已經有6、7個買家上嚟睇樓，主要都係年青夫婦...佢地覺得我嗰單位裝修得靚，而睇返個價平過私樓，所以啲人都有興趣」。單位轉手後，他計劃購買私樓或移民，「如果真係賣到500萬，即有約300萬利潤...如果攞呢筆錢去外國，或者買私樓，起碼多一舊錢做想做嘅嘢，鍾意去讀書、去外國生活，或者買返私樓都好。」
麗翠苑業主擬解禁後轉售：賺咁多，唔通唔賣
至於第二個綠置居項目長沙灣麗翠苑，單位在兩年後才可以免補價出售予房委會提名的綠表買家，但去年已購入麗翠苑一個約300呎單位予父母居住的金先生直言，有意在解禁期後將單位轉售，更估計最少可獲利180至200萬元，並已計劃用這筆錢轉投私樓市場，「嘩！（綠置居）賺咁多，唔通唔賣呀！」不過，他都擔心政府日後房屋政策有變，令綠置居「貶值」或難以甩手。
對於外界指炒賣綠置居等同濫用政府資源，金笑言：「大地產商抬高樓價、 政府高地價政策，都係浪費社會資源㗎啦，要鬧就唔該鬧政府先，全世界只有香港將賣地當主要收入！」他續稱，樓市是供求問題，舉例指富榮花園一樣「炒至天價」，若指摘綠置居業主賣樓等於濫用，即等於「差佬話股票低買高賣係犯法」。他慨嘆：「我交咗廿年稅，政府畀過啲乜我？我如果賣綠置居賺到錢，我好心安理得！」
另天水圍屏欣苑業主寶女士，兩年前購入屏欣苑大單位，售價約300多萬元。兩年「禁售期」將屆滿，她月前已委託代理放盤，保守估計單位將可賺250萬至300萬元，並計劃用這筆資金與家人移居海外。
