回應 #20 zebra
我唔係搵裝修公司、開始我係直接聯繫深圳傢俬鋪,佢會約師傅度尺唔收錢。
你可以同佢溝通傢俬擺位、之後可以同佢微訊溝通你既要求。
因為我用衣櫃加木盒間房。基本上起香港我搵水冷電師傅做野。
油漆係我自己髹,自己收貨無所謂。地板我去新填地街連工包料做。
你改完加完電制位、同埋廚房去水位置如果做分体冷氣機,可以安裝埋。之後你就聯繫深圳傢俬鋪搵師傅覆尺。
跟住正式下單落柯打工場生產,因為地板同埋電制、去水位一定要整好,覆尺先準。當然有經驗既人可以預位既。
板材我搵個間用生態板、我就無乜研究級別。應該都係主流個類。
如果師姐覺得煩又無乜時間處理、想一條龍搞掂、就一定貴、裝修公司一定抽你水、世上無免費午餐。
預算唔多就一定要花精神。我唔一條龍比人做、好處就係唔會比條一鑊撓起。
水、冷、電工程可以去街鋪搵、周街都有、通常唔會古惑得去邊、銀碼又唔大。水、冷、電就做水、冷、電。
唔好比佢搞其他野,例如幫你幫人做呢樣個樣。千奇唔好。整幾個電制、改下去水喉、你要裝分体冷生機就報價。
如果你真係好強求磚牆間房、咁就麻煩小小。十萬全包一定無可能!
做完水、冷、電。你就可以去新填地街鋪睇地板、佢可以上門度尺、比幾三百蚊左右。做既會大數扣返、會連工包料做。
如果你有時間招呼咁多人、帶人睇往。係無問題既。
一條龍貴在有人要帶位,所以一定抽水、實貴。
電器我係香港買、都係兩萬左右、傢俬連間房木門六萬一千幾港幣。
裝修既野,可以簡單、可以複習、住得公屋最緊要舒服簡潔、下下五星級的家,唔係我呢種人、過得去就算!