其實大門可以點隔音,因為都幾應聲下
Yenlau 發表於 2020-11-13 20:04:50 原文
大門隔唔到音呢個問題, 由我入住開始已經覺得好差, 以前住公屋果度大門又重又厚, 我地呢度大門好似輕飃飃咁,條門邊又濶喎, 就算自己屋內開大聲D電視, 或屋企有人大聲D講野, 係條走廊基本上聽到晒咁滯。另外, 同層有個小朋友, 已經唔係話對面屋, 係斜對面, 可能唔駛返學, 好夜都唔訓, 佢把聲又鬼死咁高音, 竟然隔左兩度門, 佢同我自己度大門, 真係訓左係床都聽到佢把聲尖聲! 最後都要疊埋心水, 去淘左set大門隔音棉返黎,買左3cm最厚果隻,佢仲送埋門邊隔音條, 自己DIY cut & 貼大門背, 尋晚終於覺得靜左好多, 佢聲稱減到20分貝, 細雜音基本上無晒咁滯, 有呢個問題影響的鄰居可以試試! p.s. 少少心得, 用鉸剪cut, 比用cutter cut 仲好仲美觀!