[跪求幫忙］
Hello大家好，我住係天逸邨逸浪樓高層07單位。阻大家小小時間，唔好意思
話說近幾個月黎，一直有好嚴重嘅高空擲物問題同深夜噪音(主要係大力關門，搵硬物揼地下, 同埋敲擊金屬噹噹噹咁嘅聲)問題。我已經搵過房署、天逸邨嘅物業管理公司，甚至報過警（負責噪音執法）。我都搵咗區議員幫我寫信去再催房署跟進。
不過相關部門同物管主任都無認真去搵高空垃圾同噪音嘅源頭，同埋因為d噪音係單位大門外聽唔到，物管派保安上我樓上單位聽，次次都話無發現。之後物管安排過保安入我單位聽，就確認真係有噪音，但就話肯定唔到噪音黎自邊度，咁就了事。我同屋企人夜晚就忍受住d噪音滋擾，每日戴耳塞瞓覺都係瞓得好差。到日頭，就望到花槽又堆積多咗垃圾。唔知咁樣嘅日子仲要持續到幾時
所以，我懇請逸浪樓嘅街坊幫手留意下，有無見到邊個單位成日掉d垃圾出窗，睇下有無機會拍到片，或者影到相。同埋大家有無都受類似噪音問題滋擾，睇下係咪可以locate到高空擲物同噪音來源係黎自邊個單位。
麻煩曬大家祝大家生活安康

其實樓主講嘅問題，唔係單一問題，而係常見問題，而且大量屋邨、居屋，甚至私樓都好常見，唔係房署唔做野，唔係警方唔做野，而係無計可施，我睇過房署有關嘈音的處理，有相應機制，能做的是有證據底下可以扣分，甚至取消租約。但關鍵點係證據兩字，一切問題受阻於私癮條例，你無辦法係不侵犯私癮的情況下取得證據，你可以使用無人機拍攝對方制造嘈音，但不能成為證公，你無法係對方製造嘈音時破門入屋挪證據，公屋的大門甚至能阻擋聲音橫向傳播，你又有咩理由去責備房署嘅人唔做野呢！至於掉垃圾問題，我覺得你的方法唔錯，就係隔離鄰舍都合力留意，拍片去取得證據，而你作為主要受傷者，更應該花時間去拍片留意下邊個單位咁冇公德心，掉垃圾都係有條例去扣分的，就算掉塊紙巾都可以扣3-7分，有證據投訴佢三次，房署扣够分就可以趕佢走。至於議員，算啦，挪住高人工係度叫，實際做嘅就係賣樓移民。

如果咁嘈咁應該你好多鄰居都會聽到喎....
「物管確認真係有噪音，但就話肯定唔到噪音黎自邊度!!」
咁唔得嗰喎!!佢哋一定要查嗰喎!
你打去1823啦, 話物管唔處理或處理唔到, 經1823投訴物管先肯落力D架~

無奈

我已經打過1823啦, 就係打完房署先射個波比物業管理公司跟:(

1. 垃圾問題
唉,我完全明白你的感受 , 我因為同村調遷搬咗來呢度兩年左右, 每天回來就是睇吓收到樓上咩野垃圾, , 廁紙(有過有....), 小強,咩都有,影過比屋邨辦事處睇,完全無用,無作為, 有d c9投訢得勁就至多出一將通告叫的人唔好,會如何如何. (因舊長型無窗垃圾掉入單位內).
樓上倒水, 成個露台都系水............
樓上地台滲水,滲到我天花起泡, 屋邨辦事處只系整返樓上新瓦仔就算, 防水油都唔知有無...?即日完成應無可能有..... , 整返個天花都要唔少錢,但唔敢, 唔知佢滲完未/復發


樓層
垃圾掉到樓梯口一地都系, ......唔會入袋又周圍放...無論任何時候

2.噪音問題
同層:
1) 有人關門用全力100db,同度門或鐵閘有血仇,震振到我單位都震(相隔應6個單位,不肯定那單位但想信同一單位 ),任何時間,不分日夜(多數日間)
講野/講電話音量95db, 即使隔4-5個單位, 過兩度門我蓋埋被都好大聲
樓上(或上一層左右兩個單位)用水,喉同牆身會好大聲同震震地.(呢樣系舊長型結構問題,以前y型單位沒這問題)
大大力踏個地下, 將傢私拉來拉去,拉到小提琴咁.
十一點半十二點/深夜,唔知系地板用鎚仔唔知扑咩野, 十一點前更加大大力唔知切咩野要開山咁用力....扑
3) 樓上附近單位關水龍頭會有水鎚效應,好大聲同成個單位震晒.........
4)夜晚11點或朝早7點鑽牆 (啲人好趕?)
5)還原工程打地台,月月都有, 8點半準時開炮, 炮足一日, 震到心都煩 (細單位成日有調遷又要還原)

樓下:
1)樓下,隔兩三層青年中心居然有BAND房, 日日夜夜 打鼓震到(或噪音吵到)心煩, 夜晚可以嘈到10:45,中心主任可以話一直系咁好多年......第二個主任好少少,講野似個人,但跟本住宅點會搞BAND房......
2)樓下有個停車場加回旋處, 啲人亂泊車在轉灣位大車唔夠轉或泊咗人地機構/大貨車落貨位走咗去, 苦主長响安...........等嘈到車主知道, 半夜都系咁
3)樓下有人經常有人深夜開部車入來, 打開個車頭大大聲吹水/焊油沖出沖入,以為自己系拓海或系土屋圭司,即使深夜(辦事處就系個度, 愛理不理, 有人工收)

其它
同層有人心地唔好燒人地個指紋鎖..............我打唔完啦 ,  

真心後悔第一次就要咗呢度,.......太嘈同坐樓太爛,唔知點好.............本留言最後由 michael2046 於 2021-03-25 02:29:20 編輯