好耐冇上嚟喇所以一直都冇覆大家但係又見到有人問我 我就覆下啦
事源係我收樓嗰日就畀陌生人係度撞門入嚟,我就打電話畀管理處叫佢快啲截住果個人,但係管理處就叫我自己搞掂佢,仲話陌生人入屋好正常。
仲有啲人成日問點解唔先報警而係報管理處? 咁樓下個阿姐行過嚟截人快啲定係警察快啲啊?
處理結果:
嗰個話陌生人入屋好正常嗰個保安阿姐被警告,而且已經調走咗,唔喺保安室裏邊聽電話,聼講去咗停車場,我為大家爭取做一個更加有經驗嘅保安阿姐坐保安室,等大家打電話去管理處嘅時候唔會遇到我咁嘅情況。
根據我描述嘅特徵,管理處亦都知道係邊一間承辦商撞門,系鉅X, 話已經通知房署,會嚴肅處理。
我亦都打電話去中x總部嗰度投訴咗個保安主管。你哋知唔知點解啲保安員咁懶散,係因為主管唔好,下邊嘅就蛇王,明明管理處應成咗話加強保安,有一系列嘅措施,但係我行去個保安室嗰度問過主管,阿姐話第一次聽到我個單位俾人騷擾,乜嘢都唔知道,呢個就係大家而家都會遇到嘅問題,所以喺我投訴完之後都依然發生爆竊案。
經過調查,中x嗰邊回覆我。
保安主管唔跟管理處嘅指示,不負責任,會檢討同佢嘅僱傭合約。