合理要求係正常?
好多嘢我都睇唔過眼,
都眼火爆,都有投訴/舉報。
初初管理處真係無能咁,但新年後見到開始有做嘢,但點都追唔到個進度,係堅唔得。
問題未解決晒,又爆另一個鑊。
如果係早入伙的,其實都見到係有變化的,但堅追唔到去「合理」水平。
我見過裝修鬧管理員好問長問短,講粗口咁制,嚇到個亞姐都唔敢再講嘢。
見到裝修亂扔嘢,隨地食煙扔煙頭。
就算依家都有啲住戶垃圾房明有桶,垃圾都係唔封口隨地扔,個桶有位嘅,難為住係垃圾房附近的鄰居。
自己掃好成條走廊,唔使幾日另一家裝修中的幫你整到污糟晒,沙泥明白難免嘅,但污水煙頭都有。
星期六日話唔好裝修有聲浪,佢哋一早就開工鑽嘢。
管理公司真係10分都攞唔到(若100分滿分),但裝修同住戶都要留意,裝修就控制有難度,住戶間大家就關顧吓,有權利都有責任,多啲正能量,共建美好家園。
講真裝修期間泥沙倒入廁渠口,搞到鄰里屋企爆渠,真係只有管理公司錯晒?!
啲裝修送貨推住架車亂撞,嘢亂扔,真係只有管理公司錯晒?!
都係個句裝修工程做完收錢走人
屋苑爛x晒,爆晒屎渠關人x事
真係想啲人快啲裝修完
可以呻吓!我都要呻
但唔好只散播負能量,
咁大怨氣財神入到屋苑都掉頭走,
除咗呻直接報管理公司,
辦事處有熱線的。
這間管理公司明顯勁縮皮慳錢,
請啲後生無經驗坐辦事處,
同佢哋講嘢好似同空氣講嘢咁,
會火架,但都要照同佢哋講,
人人講,講都佢怕,唔做啲嘢唔得
座頭管理員同清潔工,
就請有咁上下年紀或新移民,
不過有幾個後生都兇,
多數對話都係雞同鴨講,唔同星球嘅人咁,
平行時空
問東答西,只係吓!吓?吓!吓?
有次見有人問邊度扔泥頭......
管理員答:「出面囉!」
師傅:「出面?即係邊度?!?!」
管理員:「行出去個度囉!」
???
?????
???
??????
所以要求合理管理質素,我撐
?????
但話全部係管理公司錯,
怕只會寵容某啲認為交咗管理費大晒嘅住戶推卸自己責任,
怕連佢係後樓梯痾屎屙尿都覺啱,錯係管理處唔幫佢執屎啫。