麗翠亂之瘋人院-第三章 - 麗翠苑(綠置居) - 綠表置居計劃 - 資助出售房屋 - 香港公營房屋討論區 - 公屋居屋綠置居輪候調遷平面圖公務員裝修設計公營房屋第一手資料...

麗翠屍骨

初級用戶 Rank: 1

心情動態：

來自麗翠苑(綠)

2021-03-18 01:15:32 繁简粗

留言#1 此帖子網址

麗翠亂之瘋人院-第三章

你唔可以代表我！
一個瘋人院協會可以令whatsapp群組嘈幾耐呢？答案係…差不多成個星期…
係足足成個星期
自從R黃山陰樂人反枱話明唔畀W姐加入協會之後，班12瞞徒就一直潛左水，直到議員post張相入面見到Boss同兩個八婆高大衰大嬸C同妹仔K成功爭取乜柒協會之後(呢一刻佢哋仲未有角色嘅，遲啲就知呢兩件都係搞屎棍)。到左呢個地步Boss一定就係第一個要捱打架喇，而落手最重嘅就梗係之前俾佢叫出嚟傾但又最後畀R黃山陰樂人飛起左嘅4座強人啦 (俾我都會喇，你班瞞徒，懶友善又話約出黎傾，之後粒聲唔出就話自己成立左個乜柒協會，你估瘋人院得你123座咩)…

講到呢度…回一回帶先！乜唔係Boss同R黃山陰樂人係開谷功臣嘅咩，又好似話1234座群都有佢兩個做貔貅架喎，又點解依家俾人調轉槍頭呢？原來…
佢兩個響第4座群已經俾人踢走咗嘞！點解…點解…點解…

聽講佢兩個最初響每個座群都好活躍嘅，懶係麗翠瘋人院同盟咁。不過人多就意見多，Boss醒呀，佢響4座俾人圍攻左兩野後就識收聲縮埋一角。但呀R黃山陰樂人就日日係度自high上黃山，日講夜講仲認晒係大佬咁。大佬你估個個係你個手足咩，仲要成日冇料扮四條。再加上好多人已經唔妥佢兩兄弟自封做正副主席(一個就發主席夢，另一個就以為自己可以響谷度話晒事，仲黐尻線到話要響個大堂度搞個谷友聚腳地，真係忽上腦)，咁就梗係被人圍攻佢喇…R黃山陰樂人自以為識用得下電腦就能得天下，仲四圍串尻人，點知4座又真係卧虎藏龍架，幾尻時輪到佢揸?先得架。唔講大家未必知，最先起壇開谷係4座個酒店大亨呀，幾時輪到佢兩個響度阿支阿左呀，到最後大家咪一齊送佢一程囉…自此之後好多咩老豆老母谷呀，畜牲谷呀都異口同聲話佢又無仔女又無畜牲咁就打尻左佢走囉…

呢件事令R黃山陰樂人從此就…退出漿糊？！係就好喇…可以收筆唔寫嘞！
唔會喇…R黃山陰樂人仲要經歷佢自己個座群分裂之戰！

講L咗咁多，離晒題。下一章先再講番Whatsapp戰況，大人大姐搞網絡欺凌喎...嗰個星期，真係成個長沙灣嘅花生都賣到斷L晒市呀！
下回再續..............

分享分享讚好人數：1查看名單

公屋申請速報系統