我見前面有師兄講開 翠屏北邨,
我分享一下,舊長型 兩座 翠桃樓 翠楊樓。
翠桃樓 1987年落成,樓齡相對低,
佢係後期型設計,大門則埋一邊,
大門隔離,可以間一間房,
甚至三人住,可以間多一間細房仔。
呢座樓的負面因素,主要係樓下係街市,
三個人住的話,市區基本上得返佢,
可以勉強間到兩間房,接受到呢條邨缺點,
或者值得考慮。
11樓 兩間已賣,仲有一間未賣的,
在走廊尾間細單位隔離,門口有幾個細佬喺度玩
15樓 一間在電梯口,望落入面乜都全新的,
呢間係改解一人單位還原,所以乜都新,
但走廊外牆,原本隔音隻封咗的大門,
批灰手功麻麻,有條裂痕,但問題唔大。
另外,佢正對面果間,而家都係吉,
不過呢次冇擺出來賣,
同樣係由 改建一人單位還原。
9樓 兩間,
一間門口熏黑,自己了解詳情,
我接受唔到,冇去問人。
另一間,對面門口擺住部輪椅,
佢對面呢間屋,百葉窗封住紙皮定膠紙。
8樓一間,喺正垃圾房隔離
低層的,我暫時唔打算會買,冇去睇,
而2樓有兩間,睇圖則係打斜對面吉,
呢層樓FB成日有人鬧,
有戶買咗的鄰居,好冇公德心。
順帶一提,呢座樓發生過火災果層,
雖然冇單位賣,我上過去一次,
冇咩特別感覺,只係見到走廊油過下,
其實唔係好睇得出,你唔知個背景係完全唔覺油過。
翠楊樓
就雖然樓齡舊啲,位置冇咁方便,
但呢座樓 環境寧願好多,空氣好啲,
走廊又較通爽,冇咁壓抑。
不過呢座樓,單位大門,
係大約 6:4 開在正中間,
打直擺完張4呎床,剛好床框貼門框,
所以間唔到房,較適合兩人居住。
呢座樓太多單位放出來,我
未有時間逐間睇,只好過幾層高層睇環境。
呢座好多連續兩三間一齊吉,
宜問清楚鄰居,有冇曾經點樣特別情況,
好似有層,其中一間呢次賣的,
隔離係前追債戶,邨辦幫佢貼住封信,
證明現查無此人;
佢正對面都係吉的,不過冇放出來賣。
亦都講下,呢條邨管理同衛生,可能未如理想,
但咁嘅價錢,喺市區咁好位置買到樓,
如果計過數,覺得往後就算維修夾錢,
加埋都平過私樓一大截,咁就自己衡量買唔買得過。
如果我自己,就雖然唔太鍾意呢條邨,
但亦唔會話一定每間都唔買,
如果有間滿意的,都會考慮買,
但心裡一定有點爭扎,要接受佢的缺點。