上年揀樓當日ga流程大約係每節有15個住戶, 戶主要預備通知揀樓ga信、租單(須然我上年無拎過出黎)及身份證, 如果要委託租單上的家人代揀樓, 要提前到自己屋邨辦事處提交委託信, 每節會叫啲人排隊入去, 先聽簡介, 之後就會分批入去睇有咩樓選ga房(係順號碼, 所以唔需要擔心比人打尖), 當時可以即刻睇到你的心水單位有冇比之前ga人揀咗(大約5-10分鐘左右, 唔係太記得), 有張紙比你寫低10個自己的心水單位編號, 所以係揀樓前一日, 我建議最小要自己排好10-20個心水, 咁樣到時就算自己ga心水單位比人揀咗, 都可以排到足夠的單位, 唔洗到時先黎揀. 之後就去等候室等入去揀樓房, 都係按號碼先後次序入去, 入去睇到自己第一個心水無比人揀就可以確定揀, 揀好職員會係你揀咗個單位上蓋印作實. 之後就比張寫咗你揀咗咩單位ga紙你, 去另一房等拎何時可以取匙ga信件, 舊樓會馬上通知可以去約主任取匙日期, 如是新房, 要睇下入得伙未, 入咗伙ga會快點, 如未入伙的單位, 當日會通知大約入伙月份, 會到時再寄信通知何時有得取匙. 無記錯大約流程就係咁, 祝大家揀到心水!
