C兄留言#38呢段嘢好有用！由我發現房X開始…直到尾，你下次去信申訴時可加落去。
*你的描述特顯有關部門處...
飛faiyu772 發表於 2022-03-05 05:49:36 原文
有呀，都打埋入去了?? 等緊佢覆
遺產呢類文件野唔係咁想搞，雖然好似有錢唔拎好傻咁，但唔想好似又要為佢服務咁，咩煩事就由我出心出力，到頭來仲要俾佢抹黑，金額唔多我不如實實在在打工仲好。最後最後唔得先諗呢招
這些年來已經好多事由我一人承擔，家父住院那段時間，呢個人不間斷抹黑我，因為佢都係兒子之一，佢都係有決定權，所以令好多事唔順暢，係醫生決定要家父住院，佢就同人講係我掉佢入醫院，其實唔合理，公立醫院有得當酒店咁你話住就住咩，
幸好醫生護士只係同呢個人講過幾次電話，已經知呢個人只係為反而反，有心搞破壞，所以好多時好體諒我一個人要處理呢啲事。
但反而真正要幫助我既醫務社工就企佢個邊，因為做少好多野嘛，仲對我講好多難聽說話，以前網上見過好多人分享話啲社工點衰，真係親身體驗到，直情係出言侮辱人，其實佢地憑咩呢？所以最尾我都罵左佢地一獲，因為投訴無用既，一班人扯貓尾。
而壓力太大我身體健康都有問題，兩年幾用好多錢，家父後事處理好，壓力無左叫做岩岩復原，點知佢又搞呢壇野出來。
一刀兩斷各行各路係我最大心願，絕對唔會再俾呢個人有機會玩我，唔會俾佢做戶主，希望天有眼～
本留言最後由 Komasan 於 2022-03-05 22:13:44 編輯
