[R爆頭]獲批未補地轉讓業權,要唔要俾印花稅?點計??
屋企準備將租置買返黎既居屋轉名俾成員，
拎到房署批準之後要搵律師樓搞，
律師樓話如果要做當一次買賣估完價之後俾印花稅，要有準備，
不過就冇人答到我係點計法，
打去稅局話如果係房協居屋就要以補完地價既自由市場價去計，但係房屋署既居屋就唔清楚，叫我問返房署。
打去問房署佢地話叫我問稅局。
打去問其他律師行，佢地話佢地唔俾意見亦唔會幫你考慮，呢層係由政府部門決定佢地話要幾多就幾多。
問到層樓出面自由市場市值接近600萬，如果估價係600萬左右我要俾3-6%印花稅，要10幾萬
但我係未補地價架嘛，咁係咪應該計未補地價既市值去計印花稅呢?如果非補地價市值得2-300萬咁筆稅最高先幾萬可以差好遠
我打左十幾個電話都冇一個部門同職員答得到我點計，
我唔係要佢地答我實數幾多，而係想知道係點樣計，
有冇師兄師姐了解呢方面資訊或者係曾經做過架????本留言最後由 MOMO3333 於 2022-07-18 18:28:44 編輯
