回應 #4 安居62
本來我都唔想講咁多，難得你支持，
我唧牙膏講少少，分享一間好大機會，會喺居屋2022賣的雙重伏單位。
某九龍區Y4樓高層單位，門牌就唔講了：
1. 正隔離係播毒單位，搞到樓上全部單位要去檢疫；佢非法改裝過個馬桶，搞到播毒，唔知佢還原返未，佢個露台喺個吉單位露台隔離，共用天井，有一定風險。
2. 嚴重追債戶，房署翻新期間，都不停有人貼大字報、淋紅油，所以承仔裝修師傅，都要封實個門口，聲明前住戶已搬走；而房署入單位影相時，撕走了門口的紅白藍布，可以睇到鐵閘入面，仲有淋過紅油的痕跡。
此單位從剛收返來，到翻新，再到翻新完，再到房署入去影相，我唔同時期都上去睇過；正因為咁，我更加覺得，我喺未出名單前，自己去搵吉單位，再上去睇多幾次，係完全冇白費心機；如果我而家先上去，就算我搵到佢係播毒單位隔離，都唔會見到佢，曾經被追債追到咁。
點解我會知房署入去影過相呢，近期入去影過相的單位，影相佬都間接做了個行為，我睇得出間屋有野郁過，詳情唔講，唔係佢唔再咁做，我就再分唔到佢影相未。
多謝資訊
