我自己原本出po嘅時候就好想買油1嘅，所以想分享下，但係經過咗呢段時間，問咗好多有經驗嘅人，又上網搵咗好多資料做咗好多功課，又請教好多網友同埋谷友，終於都知道咗邊樣好d定係唔好，同大家分享下
其實我哋呢啲用綠表申請嘅，由輪候公屋到被派公屋，好多都曾經經歷過好多揀屋嘅問題，有時冇得揀揀唔啱真係揼心好多年，同埋我哋呢一班用綠表申請嘅人喺社會入面都係比較繁忙，冇乜時間去處理考慮咁多因素，甚至乎有啲嘢可能真係好深入，去處理去思考或者啲專家先會知嘅規矩條例，喺度同大家分享下學到嘅嘢，希望大家有用啦，同埋大家都 安居 樂業
好掙扎，雖然都好想買油塘一房，不過其實用得家有長者，基本上都冇乜可能，因為長者一間，夫婦一間，都要諗埋仔女一間，就算逼啲將就下都起碼最少要買兩房啦
尋晚上網睇可唔可以用裝修搞得掂，但係睇到啲專家講原來，“一房380呎係要打八折，咁咪得返300呎可用“， “只係可以揀到一間房咁大吧，根本間唔到兩房“，跟住再睇下同油塘一房差唔多嘅裝修設計，好多話可以將一房變做三房，滿心歡喜，點知原來佢哋嘅三房只係擺到三張床喺度，廚房廁所要全部拆曬，廳都差唔多冇埋，裝修費都唔少，有啲要三四十萬，朋友話就算住得三四個人， 大家都梗係買兩房啦
尋晚睇咗一線搜查睇到好驚，雖然都知道綠置居質素一定冇得比私樓㗎喇，但係佢新入伙天花又漏水，水喉泵又勁爆噪音，咁樣住幾高都避唔開啲噪音啦，如果爆起上嚟全部浸曬咁就大鑊，投訴又冇乜人想處理搞好耐，啲磚又會一搣就甩，記得早一兩年東涌居屋，蘇屋公屋都有發生過類似嘅情況，好驚自己原本住開好地地唔使煩，走去買樓以為變好點知仲衰，唔買好過
睇電視又睇到原來層樓貶值咗，買返出去係要補錢㗎，好似綠置居就好啲，如果五年內賣返出去應該都係原價，不過咁咪即係蝕咗錢，因為要畀律師費，裝修費，印花稅呀，都唔好講話嘥咗啲時間精神心機都唔少，所以真係要諗清楚先好買啦
另外有網友分享
“馬鞍山搭車交通，地點同綠化配套都好好
成個地方都有空間有距離，唔係石屎森林，如果鐘意跑步做運動，附近有個高質既海濱，放假得閒去石灘睇日落同埋野餐，夜晚又可以踩單車，一個地方有晒泳池，單車徑，緩跑徑，公園，一家大細都岩，馬鞍山個規劃係唔錯，個邊行人路寬落，地點感覺唔市井，交通方面，馬鞍山出旺角或者返大陸都方便，因為油塘好似好多個站先去到旺角尖沙咀或者返大陸“
其實馬鞍山係居住，空間，環境，交通，空氣質素，生活配套，娛樂消閒，同油塘比較可以滿足曬老人家一家大細唔同需要，好值得考慮
到現在為止，我應該會放棄油塘一房，買馬鞍山兩房
