回應 #2341 Kcx2458
1.如果夫婦+BB 3人申請,會派2-3人定3-4人?定係睇彩數?
2.點解冇將軍澳翻新單位?
3.另外3人隊九龍東翻新最新派到咩年份?
1. 新邨或翻新單位,2-3人/3-4人單位都有可能,不如你擔心吓翻新單位戶型好過
以翻新單位屯門區或九龍西為例,第一代工字型尾房細房,友愛邨或彩雲邨的工字型,可用面積 28.99 平方米,算係 3/4 人單位,但一 d 都唔好用,黑廁、特大露台、單位景觀為對面同款單位,情況惡劣到無嘢好講
其次和諧式單位同 3 人家庭無緣,和諧式1B單位只派4人家庭,要去到新和諧式1B單位先有機會派俾3人家庭,但新和諧式好多區都無供應,基本上可以唔理佢
所以除咗工字型,3人只有舊長型單位,相連長型九龍東都唔多,有相連長型的多數係租者置期屋計劃,唔會派俾公務員隊
2. 過去曾經出過配額,但單位供應太少,以至太耐都派唔到單位俾公務員,所以最後無咗配額
至於點解會咁少?首先佢太多和諧式大廈,只有 1/2 人單位,對上一級就係 4 人單位,而好多申請人都係 2/3 人的時候,跟本配唔到單位出嚟,新和諧式落成得又唔多,所只一去到 2 人或 3 人申請時,根本就係 loop 咗響度,處理唔到 hang 晒機咁
3. 九龍東翻新應該都輪到你,我估你一申請就會有配額,幾多人申請都唔關配額事的,只係派屋可能會因翻新單位應供量有先後快慢的分別