香港公營房屋討論區
主頁 » 資助出售房屋 » 居者有其屋 » 女兒抽居屋10年仍未成功
頁尾 帖尾 顯示所有留言 搜索某用戶之留言 回帖 在本分區發新帖 搜索本分區 搜索 支持鍵盤翻頁

女兒抽居屋10年仍未成功
母續取表:住屋問題真係好困擾



房委會今日(24日)起派發新一期居屋申請表格,樂富房委會客戶中心展示六個居屋新盤模型,以及派發申請表格,吸引一些寄望子女有個家的父母來參觀及取表。

育有三名女兒的蔡太今日到來參觀,她表示一家五口於於400平方呎單位,但女兒已成大投身社會,一直想買個大單位,「女做嘢咁辛苦,佢哋返到黎三更半夜想佢舒舒服服瞓覺」,惟女兒抽了10年居屋落空,「五年、七年、十年都有,都唔願記啦」,今次仍抱一絲希望再試過,首選啟德啟德啟悅苑單位。

今期居屋將以62折推售6個新盤,包括觀塘安達臣道安楹苑、安樺苑、安麗苑;啟德啟悅苑、屯門兆翠苑、元朗朗天苑,合共9,154個單位。其中售494萬元「樓王」單位在啟德啟悅苑,鄰近港鐵宋皇臺站出口,因此十分搶手。

蔡太與丈夫及三名女兒同住在只有400平方呎的單位,今日她特意前來參觀不同的單位模型及索取申請表,希望女兒可以抽到居屋搬至更大的空間,「幾個女已經出嚟做嘢,阿女做嘢咁辛苦,佢哋返到嚟三更半夜想佢舒舒服服瞓覺,而家兩個女孖埋一間房,燈光又唔好,又冇私人空間。」

蔡太表示,本身喜歡元朗、屯門的單位,因為單位較大,但並不方便女兒上班。「元朗嗰邊唔方便阿女呢邊返工,安達臣嗰邊行去地鐵站又唔方便,所以我首選都係啟德單位,近地鐵站去邊都方便。」

她透露女兒抽居屋已逾十年,但仍未抽到,很失望,但今次仍抱有一絲希望。「抽過好多年啦,五年、七年、十年都有,都唔願記啦。好困擾啊,住屋問題對香港人真係好困擾!」今年的居屋折扣率比上年低加上加息,蔡太指負擔當然增加了,「負擔梗係大,香港人幾乎都係負擔呢個屋租,但唔買樓,公屋又入唔到,所以冇辦法。」

已婚的鄧太今日亦特意前來希望可以抽到居屋「搬大啲」。鄧太同樣首選「樓王」啟德啟悅苑,認為這單位交通最方便,「大家都係諗呢啲因素,講真去到安達臣嗰邊交通配套都唔好。」鄧太認為折扣率下降令負擔加重,不過也不想租樓。「始終香港大家都要有個竇,無辦法,買居屋好過租樓,長期租樓即係幫人供樓。」

她直言加息預算便要更高,加息加上折扣率下降對她來說是「難上加難」。對於公屋富戶政策有所收緊,鄧太認為對她來說是好,但對居住公屋的市民則未必,所以是有利有弊。「對我哋呢啲冇樓嘅人梗係覺得好,有樓住嘅人就覺得佢住緊公屋佢嘅收入各方面都要有透明度,對佢哋嚟講就唔好。」

已退休的馬女士則表示仍在考慮心儀的單位,「折扣率下降咗,但長者冇架啦,我哋都係一次過畀(樓價),所以而家要睇個價錢。」她表示,退休沒有收入,所以更注重單位價錢,仍在觀望當中未有心水。「畀唔到就冇辦法啦,都係嚟睇下。」她說如果選擇,首選都是鄰近地鐵站的單位,因為較方便。

今期居屋將於下周一(31日)開始接受申請,售樓資料今日(24日)起可在房委會網頁查閱。

分享 分享 讚好人數:0查看名單


佢三個女,一人一間房咪要間 4 間房?今期居屋都唔太適合佢

佢真係唔知舊屋邨 400 尺即係可用面積 39 平方米單位,今期正常的大單位可用面積只有 35 平方米,又一個被騙 本留言最後由 tommy0721 於 2023-07-25 11:43:12 編輯
分享 分享 讚好人數:3查看名單


回應 #2 tommy0721

好多人唔知咩係可用面積,咩係實用面積,所以受騙
2012藍卡,u0318,擴3,未見主任。
分享 分享 讚好人數:4查看名單


最細單位有280呎, 單人競爭激烈~
大囡不如註冊結婚,增大機會率, 哈哈! 本留言最後由 JW1229 於 2023-07-25 12:24:56 編輯
擴3, G1450
7/2022 轉新3
31/8 見主任, 21/9收合格信S2
分享 分享 讚好人數:0查看名單


回應 #4 JW1229

有錯吖,如果嫁個60以上仲正,家有長者包嬴
2012藍卡,u0318,擴3,未見主任。
分享 分享 讚好人數:3查看名單


抽十年排邊條隊先?  
分享 分享 讚好人數:1查看名單


回應 #5 美麗港灣w1

突破盲腸,60歲以上單身人士即刻好搶手!
分享 分享 讚好人數:4查看名單


回應 #2 tommy0721

蔡太意思應該係每個女抽一間,有個抽咗5年,有個抽咗7年,有個抽咗10年,一個女住35平方,唔細喇
分享 分享 讚好人數:1查看名單


回應 #7 stevetime

?可惜我未到
U02
分享 分享 讚好人數:0查看名單


回應 #8 cadyll15

有見地
U02
分享 分享 讚好人數:0查看名單

頁首 帖首 在本分區發新帖 曾訪分區 支持鍵盤翻頁
重要提示:為免用戶蒙受損失及為公平起見, 一律嚴禁透露商戶或裝修師傅資料, 違者會被警告, 嚴重者將被禁言甚至禁訪本討論區, 敬請合作。 (詳情) (用戶守則)
抱歉! 你無權回帖。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁

公屋申請速報系統 X
分區表  登記 登錄 頁首 回帖 搜索 頁尾 在本分區發新帖