房屋委員會今日(28)舉行周年特別公開會議， 資助房屋小組委員會主席黃碧如在內等多名委員在會上，要求當局進一步收緊公屋富戶政策，包括將公屋住戶全數滿60歲後便可豁免資產審查的做法，以及富戶雙倍租金的做法。

委員陳正思指，4人家庭月入逾15萬仍可居住公屋的安排並不理想，「呢啲家庭會唔會已經有能力喺私人市場租屋呢？因為有十幾萬一個月收入，甚至可以利用?家豐富咗嘅置業階梯去買居屋，甚至喺私人市場置業安居。」今日會議，將於下月中升任房屋局常秘兼掌房屋署的現任運輸署署長羅淑佩亦有列席。

房委會資助房屋小組委員會主席黃碧如在會上建議，進一步檢討公屋富戶政策，包括將獲豁免富戶政策資產審查的長者年齡向上調。她提到，在現行富戶政策下，若所有成員均年滿60歲或以上可獲豁免，「結果就係，若然呢類住戶擁有香港住宅物業，或者家庭入息超過現行公屋入息限額5倍，或者家庭資產淨值超過公屋入息限額100倍，都毋須交還公屋單位。」

她認為，本港人口老化問題愈趨嚴重，市民的平均壽命亦有所上升，預料未來10年，香港年滿60歲或以上的人口將增加超過一半，認為再現行豁免60歲或以上公屋住戶資產審查，再難以維持公屋流轉。

她續指，而公務員的退休年齡亦已相應提升至65歲，「仍有工作能力嘅公屋住戶，即使家庭入息或者資產都已經超過富戶政策下所訂定嘅家庭入息或資產限制，甚至擁有香港住宅物業，仍然可以繼續享用珍貴嘅公共房屋資源，對正在輪候公屋嘅申請者，同需要就住屋方面提供協助嘅人士唔公平。」

黃碧如又提到，房委會在4月通過持暫准居住證的「超級富戶」，將不能再以綠表資格購買資助出售房屋的修訂受社會認同，但強調房委會除改善富戶政策外，亦應制訂措施讓富戶向上流動，尤其是正在繳交額外租金，但無須遷出的住戶。

另一名委員、機管局商務執行總監陳正思亦促請當局檢討富戶政策，包括繳交額外租金的門檻、金額，以及遷離公屋的入息限額。她表示，現時公屋住戶入息超出限額3至5倍，只需繳交雙倍租金，換言之，一個四人家庭居於約300平方呎市區單位為例，收入介乎92,850至154,750元，租金和差餉僅6,000元，「如果家庭收入每個月有十幾萬嘅住戶，其實大概都應該唔係對公屋最有需要嘅人士，呢啲家庭會唔會已經有能力喺私人市場租屋呢？因為有十幾萬一個月收入，甚至可以利用?家豐富咗嘅置業階梯去買居屋，甚至喺私人市場置業安居。」

翻查房委會資料，在現行富戶政策下，若住戶全部成員均年滿60歲或以上，或領取綜合社會保障援助金，或合資格申領／正在領取社會福利署發放的傷殘津貼，或所有成員是由上述三類以不同組合組成的住戶，可獲豁免於「富戶政策」。

若住戶並不屬於上述可豁免類別，但部份成員正在領取傷殘津貼的住戶，即使其家庭入息或資產淨值超逾相關限額，仍可繼續居於公屋，但須按入息繳交相應的額外租金。不過，若住戶在香港擁有住宅物業，則即使有成員正在領取傷殘津貼，仍須遷離公屋單位。

邊條白卡仲話得公屋得天下？

good

富戶政策其實多舊魚, 既然有所謂超出限額,超出限额,超出限额,超出呀喂, 就應該是搬出去租私樓啦. 你比個倍半租金,雙倍租金人,咁筍啊.
申請公屋超限额都申請拒絕啦.

仲有其實任何人有私樓就應該不能住公屋, 不分年龄啦.

無用嫁,幾多歲唔係重點,
重點係資產唔放香港根據查唔到,
大把人放大陸戶口/海外戶口。
而老人家拎出黎放床底,
唔放銀行都一樣查唔到。

回應 #5 配房組

頂級用戶講得啱
派樓前超額一元都係超額…都要停賽。
派樓後咁鬆嘅…超過上限嘅錢都可以買私樓啦…仲可以畀佢哋繼續住公屋？難為了仲排緊公屋未上樓嘅人士…真係無天理！

回應 #5 配房組

同意，公屋是應給真正有需要的人士住，不是你想就能住。
我認為入息限額入住後可以給一點彈性，但富户政策太誇張，2人家庭要超過9萬才會被踢走，這係公屋，這個入息都等於中產以上了 外面租私樓甚至買私樓的都不一定有此入息，感覺不太明智，也對其他人不公平，換做3,4萬都好點

60歲有層私樓又點計先?可以繼續住公屋?