我驚一無所有…可以點做呢？?? - 租者置其屋 - 資助出售房屋 - 香港公營房屋討論區 - 公屋居屋綠置居輪候調遷平面圖公務員裝修設計公營房屋第一手資料...

carol2357

頂級用戶 Rank: 5 Rank: 5

心情動態：

來自非公營房屋

2023-08-20 12:31:44 繁简粗

留言#1 此帖子網址

我驚一無所有…可以點做呢？??

本身係公屋租戶，我本人喺阿爸買之前已經除咗名，父親透過租置計劃已購買，
阿爸一個人做業主今年63歲，因為我除咗名，家庭成員認可住客係我媽和細佬，
因為我同細佬關係反目，我阿爸話間屋我細佬話事供樓費佢負責，
當然管理費差餉業主名都係我爸爸，因為我細佬控制咗全家，阿爸只係代主傀儡，
細佬非常討厭我，想和解但係不能和解都幾年啦(近乎生死不相往還的地步)，
我老豆為咗保障我立咗一張平安紙寫明間屋者姊弟聯名業權，佔有和分錢都係兩姊弟，
我和細佬同時都係遺囑繼承人和執行人，
佢話間屋冇名我係外人，我想出供樓費一人一半但係佢唔肯

1. 請問我可以點做點解決？
事實上弟弟每月都係現金支付供樓費...每月畀錢阿爸，佢係冇銀行過數
我老豆怕佢我都唔知點算，間屋嘅首期18萬係我媽媽出嘅，

2. 如果我用現金畀一半首期九萬蚊畀媽媽現金簽收唔用銀行過數 (因為費事誤會係收入..阿媽攞殘津 )，
父母都係退休人士,,以及畀番過去嗰幾年我應該出嘅供樓費的一半畀我爸爸唔用銀行過數，現金簽收可以嗎？
如上法庭認可證據嗎？
雖然我細佬話賣屋會分一半錢畀我，一直都冇溝通聯繫見到唔想見，但係如果佢唔分錢到時點算？
呢個問題諗咗幾年我都冇答案所以都係要問各位大大請教，

3. 如果我用平安紙證明間屋我唔係外人阿爸死咗間屋有寫平安紙我係半個業主可以喺度住可以嗎？

4. 我怕阿爸死咗佢獨霸佔間屋佢自己做業主，佢隨時趕我走唔分錢咁點算？

5. 因為我同佢係遺囑執行人和繼承人，如果佢唔肯做執行人咁點算呀？
佢已經封鎖咗我whatsapp電話都唔聽咁點算呀？
日後將來都唔知點聯絡溝通 (弟弟每月都係現金支付供樓費..每月畀錢阿爸，佢係冇銀行過數)

6. 我真係好怕我細佬一個人獨霸到成間屋到時趕我走，到時唔肯返錢畀我又或者等通知分少少咁點算呀？
有咩方法可以制止佢咁做呢？其實我老豆年紀大我都有擔心

7. 因間屋阿爸一個人做業主如果因為佢年老而走去轉名或者加名細佬做業主..那麼張平安紙咪作廢點算呀？

8. 其實我應唔應該私底下畀錢我老豆過往供樓費補畀返呢？

9. 應該畀埋一半首期九萬元呢？

10. 我怕我畀咗就算我老豆喺簽名我阿媽簽名做確認，細佬唔認數咁點算呀？

因為我學歷低都冇乜將來食粥食飯靠呢張平安紙可能到時有冇錢搵律師，

新1 非長者

分享分享讚好人數：0查看名單

請按此瀏覽"重點帖子"！