1. 私隱度低
有網民指自己認為住公屋私隱度甚低，指「成日覺得間屋被人睇曬，特別係我間房對住門口」，更指出自己「有次準備出街行近門口見到個細路「裝」我間屋」。這一點亦紛紛引來網民認同，有人指「以前未裝修，仲用傳統鐵閘嗰陣，都係裝塊布遮住，結果都係成日有人喺啲窿窿罅罅度望入我間屋。直接撥開我哋塊布望又有，直接打開我哋走廊隻窗望入屋都有」，令自己認為很恐佈。
2. 隔音效果差
有網民認為公屋或因用料問題，隔音效果相當差，指「最慘嘅係同屋企人鬧交成條走廊都會聽到」、「公屋啲牆又好薄」，紛紛認為若然於公屋嘈交，會被鄰里聽得相當清楚，日後碰到遇上便會產生不少尷尬。
3. 街坊太八卦
遇上好鄰居也是需要運氣，有網民則指「特別係我左鄰右里都超八，公屋啲牆又薄，如果咁啱講嘢大聲啲，佢哋聽到啲咩又會周街唱你同誇大嚟討論，又乜都睇唔順眼成日周圍投訴人」。更有網民表示自己試過裝修家中，誰知在裝修期間有鄰居當他家是博物館，經常入屋參觀，故該事主表示「真係好彩我唔喺度，如果唔係我會報警」。
4. 龍蛇混雜
有網民指自己居住的公屋隔籬鄰舍來自五湖四海，難免龍蛇混雜。有網友就表示，曾試過遇上精神病患者，在小時候與之同層，被對方將磚頭丟向單位的窗戶，嚇得給自己留下陰影。
5. 不小小看到男士赤裸上身
由於香港天氣過於炎熱，不少港人都會選擇吹冷氣，或者赤裸上身來降溫。而有網民則指公屋的一大缺點是會不小心看到赤裸著上半身的男士。因為不少公屋住戶都會選擇開門通風，變相令家中的私隱便一覽無遺。有網民指「尤其係屋企啲男人鍾意除曬衫係度行嚟行去，我真係又失禮又想嘔。印象好深刻嘅就係細個果陣落樓下玩撞到隔離屋個阿姨，笑我老豆生到成副排骨冇嘢好睇，但就要Show嚟嘔心人」。
網民指近年鄰里文化已變
不過，亦有網民指出近年公屋住戶都選擇閂門、閂閘，即使是開門通風，也會選擇虛掩，鄰里關係已不如從前，因此不少網民也懷念昔日情況，指「開門的確會涼啲舒服啲，加上我屋企有我呀嫲，佢啲朋友經過門口就會吹水，想閂都閂唔到」、「唔係好明點解住私樓/居屋嘅都係習慣閂門，但住公屋就係會開住對門」、「以前開門為通風，依家熱成咁不了」，亦有網民建議可以於鐵門內裝布簾，可以裝上一半，留下一半通風，也是常見的做法。
