公屋女扮住居屋提早落車步行回家 - 其他 - 公共出租房屋 - 香港公營房屋討論區 - 公屋居屋綠置居輪候調遷平面圖公務員裝修設計公營房屋第一手資料...

楊管

管理員 Rank: 12

心情動態：

來自非公營房屋

2023-10-02 10:59:54 繁简粗

留言#1 此帖子網址

公屋女扮住居屋提早落車步行回家

網民：又話住公屋係人生勝利組？

網絡有名言指「住公屋是人生勝利組」，因為各方面的支出都較少，但同時也會有不少問題，因此「公屋出身」依舊被認為是低下層人士。早前有網民出post，指自己某天駕車接女友人回家時，對方回答居屋地址，隱瞞自己住公屋的事實，加上平時喜歡「充大頭」，令樓主相當疑惑為何要這樣做。

公屋女被逼講住址公屋住客身份人人都知

樓主指，這名住公屋的女友人好像很怕被人知道自己住公屋，某次和她去購物時，售貨員需要她的住址幫她完成VIP登記，當對她面有難色唔肯講，後來售貨員指只說大廈名稱則可，不用詳細住址，她才勉勉回答，因此大家都知道她住公屋。

提早落車扮住居屋寧願自己落車再行

後來有次樓主載該女友人回家，問女友人住哪，女友人竟然回答附近一個居屋的名字，樓主覺得驚訝，因為明明知道她並不是住該居屋，於是認為她「寧願自己落車行遠啲返去都唔話畀人知(自己住公屋)」。讓樓主覺得相當奇怪。

平日喜歡充大頭proud of 自己會亂洗錢

樓主又舉例，指有時見到一些無謂不實用的東西，就不會買，希望省下金錢，但該女友人則會「話我慳埋啲無謂錢」，樓主又指她當會「好proud of 佢自己會亂洗錢」；平時又會強調自己是坐的士出入，令樓主覺得厭煩，最後更直言「屋邨X真係特別鍾意充大頭嚟掩飾自卑」！

網民同意「越無錢越鐘意充大頭鬼」

不少網民都表示同意樓主所言「越冇錢越鐘意充大頭鬼」，直言公屋仔女「鐘意買靚錶靚袋追名牌，call uber，ig 99% post 住靚酒店staycation食好嘢」，又指住公屋的人「心裏面好自卑但就要面同人講住公屋好爽」，所以才有「住公屋是人生勝利組」的說法。而住私樓的一批反而非常低調，但即時被另一網民K.O，指住私樓非故意低調，而是「因為佢地唔自卑同時都離地唔起」，獲網民讚好。

女人想保護自己好正常勸不要被住屋綑綁

但有網民則指出，該女友人是「唔想俾人知住邊度，有安全意識都唔得」，並非刻意隱瞞住址。但也有網民認真回覆，指「心靈富足嘅話，住屋邨都唔會自卑唔會覺得失禮」，也有網民指最重要還是心態，「有能力邊個唔想住好啲嘅環境，無能力知足咪得，無必要充大頭」，更指現金社會「講真出身有幾多人理，你性格同能力係點更加重要」，不要被住屋綑綁人生！

祝未上樓朋友早日上心水樓；祝已上樓朋友安居樂業！
如果大家有任何疑問或分享..建議大家在適當分區發新帖｡

分享分享讚好人數：1查看名單

請按此瀏覽"重點帖子"！