喺Facebook搵咗一間屯門區生態板間房(一搵就係得呢間)…話一日完工嘅…專幫公屋戶間房。
開工時個師傅無準備玻璃膠…叫我去買…屋企人朝早出咗去…一陣都會返屋企…喺街我就叫佢順便買返嚟…屋企人就提我…張單係講明連工包料…叫我搞清楚…同點會係個客去買？報價時報價單的確係無報玻璃膠呢一項。
?咁我咪問一句唔係講明連工包料？
佢話因為我唔係即時決定做…所以無講…whatsapp溝通咗咁多次…佢都無提過…開始只一味發惡話不斷重複「個個客都係自己買」。
（咁係因為你報價單上有寫…既然個個客都會買…即是間房的必需品…帶都唔會帶漏）
?一早經Payme畀咗訂金…明明收咗錢…但佢同我講話無收到…同時開工前要現金full pay…叫我連同訂金現金付費…我要落街ATM提款…因為訂金已是一個多月前的帳…幸好我有再花時間去查核…其實佢已經收咗！
但對我就話無收…他解釋是因為無帶那個號碼的手機…未確認有無收到訂金就會開工做野？但四支膠就好緊張？
?佢講明「佢就係恰我欺文一個女仔…點吖？」自己講漏…仲好意思一開口就老羞成怒…凶人惡人…話會肯自己負責…當係送俾我…下一秒就話我係屈佢4支玻璃膠…佢大聲疾呼既程度…以公屋隔音同密集程度…每個鄰居…樓上樓下都會聽到…佢之後遇見街坊行開行扮晒笑笑口…以為咁樣人地就唔知佢點樣大聲罵我？當人傻
?講盡大量極度難聽的說話…又話因為我後生就係咁衰…話工程細唔會呃啲小錢…唔使一萬蚊間房係做善事…收一千蚊訂唔收半數係佢善心…
佢話唔怕講…係睇唔起細訂單呀…係睇唔起公屋戶呀…知道公屋戶無權無勢大條道理欺負你…全程三句唔埋兩句用唔做來威脅…不斷好大聲話自己唔驚。
?後來我屋企人返到屋企…我家人之後買左玻璃膠俾佢…整到一半就唔整…邊有師傅會接手…只可以硬食…佢態度當然無好過…全程佢一直無論移板…用梯做野時一直刻意粗暴…大力掉喺地板…做做下又突然同我屋企人講怕我網上負評佢…話要轉簽單負責人…當然又係用唔做威脅。
?我直接喺佢在場時…用whatsapp問間公司野…睇下覆我既係咪佢本人…果然真係佢自己話事…睇住佢電話收到Msg再上線…好大機會只係一人公司…睇位又係佢一個人。
?佢仲玩埋用手機拍片影住我…見狀我唯有都有開手機拍底過程…佢仲恐嚇我…話我之後網上講呢件事會上門搵我…佢知道我屋企地址電話…要整我好易…如果有任何形式的滋擾發生…必定就佢…我想問下我點解唔可以講？？
?用既板好多崩同花…重點係～因為佢多次刻意大大力咁掉野落我地板…我用石塑地板…俾佢整爛…整到浮浮下…再搵人維修！
識佢既人…同行…朋友…老闆…如果覺得佢既行為處理方式係無問題…點解我唔講得？諗清楚係做裝修定做黑社會？ 我對你禮貌係出於基本尊重…尊重係互相…你惡到咁…我都唔使同你客氣。
我已經報警備案…亦就佢拍我片一事問左法律意見…如果佢/任何人網上公開發放影片…我就可以採取行動…拍片係我屋企私人地方…住公屋就要俾你踩到盡？
呢種轉個頭改名改電話又重出江湖…我都只可盡力叫大家小心。
呢件事上有講大話嘅人死全家。
