吐苦水：
簡單交代：市3 G-13666xx 正常隊
話說小弟係9月尾收到第二次通知…派咗黃大仙一個翻新中單位…我地係一心一意想要呢個單位。
然後就發生咗一連串我覺得唔合理嘅事情。
約見主任當日…主任無上班…無主任見我地…一個無掛工作證嘅員工係辦公室出黎同我地講…單位翻新中…無得睇…我問係唔係會有同類型嘅單位可以畀我地睇下…佢話無又話你地無睇過單位唔需要簽紙(初步同意書)…然後就叫我地走…無錯…我地係房署安排畀我地嘅時間中…無得到任何通知下被主任放飛機…咩都無做就被人叫我地走…之後係我地再三要求…佢地先肯安排畀我地係單位門口望下…叫做無白行一轉。
見主任失敗後…我地想知單位翻新要幾耐…職員話佢唔清楚叫我地留電話…我就留咗…係當日下午4點左右…同一個職員打電話畀我…問我係邊個…簡單交代後我問佢係唔係知幾耐搞掂…個位職員話都係要等主任通知我…佢話估計1個月左右…會以電話形式通知我地。
大概一星期多啲…我收到主任電話…主任問我要唔要個單位…我覺得好唐突…我已經講過明我要…我仲等緊你畀電話通知我翻新要搞幾耐…主任知我意願之後就開始話…要嘅話要簽同意書…好彩我有睇到…唔簽唔得之類…我怕主任誤會我地…有唔好印象…我就解釋當日發生咩事…主任不作回應…只係繼續話要就要簽brabrabra…我就問主任翻新需要幾耐…佢話宜家答唔到我…之後又係約我等佢電話通知。
因為發生咗上面嘅事…我家人好擔心會無咗間屋…都係個句等咗10年…幫你處理個啲主任毫無責任心…真係唔到我地唔緊張…我真係唔知佢無發現我地無簽名佢地會點處理…當我地放棄第二次？或者當我地唔需要公屋？…我家人太擔心…所以三日後按耐不住就親自去到辦事處…直接搵主任…當日就補咗同意書…然後主任同我地講要等兩個月…我地當事好錯愕…9月已經係翻新中嘅單位…仲要翻新多2個月？
眾所周知政府做嘢慢…我地都無辦法…我家人為左件事快啲進行…希望新年前可以入住…一有時間就去辦事處搵主任…跟住我地就發現呢個主任唔知係避我地定係真係甘…佢經常請假…經常遲翻工…佢地辦事處電話經常無人聽…要搵佢地真係難過登天。(每次去都有街坊投訴佢地唔聽電話)
係拉鋸咗一段時間後…我地終於係11月月頭首次見到間屋…不出我所料…間屋有問題…廁所水管漏水…墻身嚴重滲水…地面因為滲水有明顯黑咗一噠…廚房洗手盆排水口堵塞…有條入屋嘅大水管有爆裂情況…有啲啡色液體滲出…翻新咗嘅墻身地腳線有成舊灰甩咗出黎…舊灰係點我地其實唔介意…個條滲啡色液體嘅渠…我唔了解…如果佢地裝修師傅話安全…我都可以接受佢宜家甘嘅樣…只係漏水滲水同塞排水直接影響生活…我無辦法唔介意。
如此我地提交咗維修申請…然後又被人拖時間…我地又反復追問…前前後後我地收咗3次樓…3次！…上面講嘅問題…只解決咗廁所水管漏水問題…其他根本無處理…塞緊嘅排水到宜家佢仲塞緊…當我地問主任點解個單位甘樣佢都叫我地睇嘅時候…主任就會話…我收嘅時候無問題…唔知點解我地上去睇就變咗甘…言下之意係我地問題？我地話墻身有滲水問題…佢唔信…有相都唔信…直到我地逼佢叫埋佢嘅師傅…帶埋儀器上黎測濕度…佢先承認有問題…承認之後都係唔處理…對上一次睇單位…佢地解決辦法係關水制…無水咪無滲水囉...
我地唔接受佢地呢次嘅處理結果…佢叫我地考慮放棄…我地問放棄可以…你可唔可以畀返次機會我…因為唔係我唔要…係你地唔處理問題…佢地話我地仲有一次機會…唔回應我地要求攞翻個一次機會嘅要求...
順帶一提…主任同佢地嘅職員會經常提我地個單位有咩唔好…例如叫我地考慮清楚…呢棟樓好舊…呢個單位好細…近馬路邊會好嘈…樓層好低…諸如此類即使我地講過…我地好情況呢到嘅情況…我地明白有得必有失…佢地都係會繼續講…好似要講到你唔要個單位咁。
唉...我以為攞公屋最困難係要等10年…原來只係個開始…今日有人教我地打電話去黃大仙租約事務管理處…我家人打咗…我未知結果…明日我會帶埋家人去樂富睇下有冇人可以幫到我地..希望下年8月前搬到入去喇…垃圾費真係好可怕。
