疫後不少生活開支增加…最新有公屋加租至機制「封頂」的10%…平均每戶每月租金加230元…惹來基層一片罵聲。立法會房屋事務委員會下午討論加租一事…不少政黨議員都將「政治炸彈」淡化為「按機制加價」…以無奈語調稱「無咩討論空間」。工聯會郭偉強替無領取綜緩的長者戶「發聲」…房屋局局長何永賢回應指…若長者認為租金負擔重…可以考慮「搬遠少少」…因為「離島的租金更平」。何永賢更謂：「轉一個鄉郊環境…可能對長者退休生活…健康都係好。」

自由黨李鎮強倡再向富戶開刀

大部份政黨和「民選」產生議員…都指加租是「按機制」辦事…將討論焦點放在「租金調整機制」本身。自由黨副主席李鎮強將矛頭指向富戶…他認為「機制」的上限有調整空間…針對富戶實行「能者多付」…甚至將租金按分「兩級制」和「三級制」；租金甚至可以參考市價運作而調整。何永賢表示在新租金安排上…富戶不獲寬免…至於長遠的安排…當局會「再思考」。

游說調遷到離島公屋 「鄉郊環境對健康都係好」

工聯會郭偉強稱加租「都係按機制…可以討論空間唔係好大」…他感謝當局「關心基層」作出三個月寬免。郭又言…「如果真係要問…我唯有關心長者」…他特別關注沒有領取綜援的「雙老」住戶…尤其是長者生活津貼近年加幅少…擔心未能負擔加租。

何永賢表示有困難的家庭…可以向房委會申請租金援助計劃…現時約有22,400個家庭獲寬減。她指想藉此說明…「大家都好熟悉…租呢係市區其實會貴啲」…並舉例市區公屋租金每平方米平均九十多元…離島只需五十多元…新界拓展局約六十元。她指長者如果認為租金過高：「長者退休喇…佢唔介意住得寧靜啲…離島公屋嘅租金更低」､「真係可以考慮搬細少少…唔介意嘅…搬遠少少…轉換一個鄉郊環境…咁可能對長者退休生活…健康都係好。」她歡迎長者與房屋經理「商量」。

林筱魯稱何永賢､羅淑佩「兩位巧婦」

選委界林筱魯關注房委會維修管理支出攀升…即使加租10%也難追回…他問道：「兩位巧婦…究竟長遠嚟講…你點樣可以平衡到條數呢？」何永賢表示房委會轄下的非住宅類別單位…疫情期間作出很多寬免…現時疫後復常…「要大家一齊面對」…在收入方面須「整返好整盤帳簿」。

陳學鋒獻計重推租置 維修重擔歸市民

民建聯陳學鋒詢問當局「有無條件分開嚟架」…即如果加租10%…可以每年加5%…他相信「大家接受程度會大啲」。他又建議政府重推「租者置其屋計劃」…不明白為何政府立場「硬淨唔肯」…任由居民自己承擔住所的維修開支…為庫房「慳返啲」。

何永賢笑言分開兩年加「效果一樣」…可能只是「策略､感覺」有不同…現時兩年檢討一次租金…相信「大家習慣咗」。至於租置計劃…何永賢表示…如果出售樓齡高的公屋…相信事前要做維修翻新…才有市場吸引力；但如集中出售新公屋…手上舊樓愈來愈多…她坦言難選擇合適的公屋邨做租置計劃。

長者搬去離島？租金平咗，啲晚輩嘅交通費用貴咗

廢話！今次搬離島，下次搬哪兒？

可以調遷咩？我市區想遷新界。

針無兩頭利，支持焗腸

感覺推D老人遠離市區, 唔理咁, 老人家以前都為社會, 現在咁樣, 好似.....................唔識講

都係游說/建議遷去離島, 有D老人家身體健康都係好事,(係市區住都係日日去行山,晨操,游早水), 有D周身病痛既,咪唔入囉, 都唔係強迫既!
亦都好多自願返左大灣區養老啦~
#住市區係方便既, 但對D老人家黎講,壓力太大, 行慢D都被人厭氣!本留言最後由 JW1229 於 2024-07-17 10:03:22 編輯

對愛寧靜悠閒嘅長者嚟講，離島空氣好又比較有人情味，係安享晚年既最佳選擇；不過何局長建議之餘亦應考慮生活配套是否足夠？唔係踢咗個波出去就算交咗功課吖。

回應 #2 神安飛瀑

C兄：
長者經常要覆診+攞藥，游說他們搬去離島？
起碼要提供搬遷津貼，或終生免租，或免水電，或交通補貼．．先至有吸引力。
*只是平租=細眉細眼、毫無著數可言，
*佢哋係老，但仍然數口，絕對唔蠢！
*無端端要佢哋重新適應新環境，簡直係天方夜譚*本留言最後由 飛faiyu772 於 2024-07-17 12:21:13 編輯