我上次裝修係朋友介紹, 同老公都有睇佢之前裝修個間, 其實都OK, 到幫我地裝修時, 唔可以話差, 因為我相信佢都做左好多年, 但佢係傳統個隻CF, 好多野驚踩屎, 叫我地盡量唔好買長條木紋磚, 話會蹺起, 有時突然會叫我地買依樣買個樣, 但我返工好多時都買唔切, 跟住去IKEA買一支桿佢都可以唔識裝, 因為佢裝開傳統個D一條過的不銹鋼桿, 其實裝修真係好睇彩數, 而且夾雜太多濕碎野, 如果一開始見到有唔妥, 其實真係應該唔好再比錢, 起碼止蝕, 我個CF 係開工後先收第一期錢, 我覺得依個方法有好有壞, 因為佢已經開左工, 有咩唔妥都要比第一期, 但起碼已經見到佢工作進度, 不過CF都真係好準時交屋, 依D野, 真係未經歷過都唔知咩事, 雖然你個CF咁賤, 但都希望你住得開開心心呀
