（ 其實房署而家研究緊會唔會重新投票去轉管理公司, 大家留意返其實而家都係有管理人我哋嘅管理人其實係房署自己, 並不需要經過業主立案法團先至可以改善屋苑嘅情況）
大家好
我係 麗翠苑 小業主幫媽咪 供緊樓我自己有一層 私樓 管理費 年年加。。
見到
最近樓下 有位大叔 成日 叫人簽名 想同大家分享下我睇法
其實佢想 搵夠5% 業主簽名 委託 業主會召集人 開業主會
表面上可以 討論 屋苑嘅管理事宜
但實際上係為咗之後成立業主立案法團業鋪路
同大家說明一下
換管理公司 其實房署 已經進行緊 檢討
並不需要成立業主立案法團先至可以更換管理處
大家應該都有留意各大媒體或者大枱無線電視都有講過好多業主立案法團成立之後發生嘅好多唔同各種各樣問題
而我哋作為小業主實在好難有時間資源人力去 監察之後業主立案法團嘅表現
我喺度懇請各位唔好隨便簽署任何收到嘅回條
因為回條其實係想為有一個委託人去代表我哋開業主會
之後順理成章就會討論成立業主立案法團
大家屋企可能有長者而佢哋都唔知道其實簽緊啲乜嘢
有可能佢哋會之後委任嗰位
代表去幫你哋去投票去成立一個麗翠苑嘅業主立案法團
如果法團 章程度冇好好咁樣列明所有條款
我哋而家交緊嘅管理費有好大機會增加
或者我哋嘅維修基金有可能就會用咗去做一啲不必要嘅工程
我自己同 工程公司管理公司顧問公司律師會計師
沒有任何利益關係
我想大家鑑於以往好多大大小小關於法團嘅法律問題
保留返自己嘅話語權
唔好隨便委任一個人去幫你話事
麗翠苑宜家其實管理費唔算好貴
好希望呢個小社區大家可以安居樂業唔需要交天價管理費維修費
請你哋自己重新再考慮一下
係咪真係有需要去設個陷阱去畀自己踩
點解我要大費周章 ？
好多人都亂簽唔會睇其實真正嘅內容係乜嘢
而大家中可能都會有長者未必清楚條文嘅內容係乜嘢或者佢根本唔知道唔需要成立業主立案法團已經可以改善到
管理質素同埋清潔嘅情況
我想大家都少啲紛爭大家都住得開開心心
