轉載一下,但一講起214,我都不得不投下不神聖一票,真係當之無愧
![](images/smilies/default/064.gif)
![](images/smilies/default/064.gif)
九巴9個「最垃圾」路線!網民:元朗去荃灣西、71個站坐咗成2個鐘
相信有唔少人都鍾意遊車河,有啲人鍾意搭叮叮,有啲人鍾意搭地鐵,有啲人就鍾意搭巴士。有網民就將自己搭咁多次巴士嘅經歷,揀咗9個九巴最垃圾嘅路線,唔知你又有冇搭過呢?
九巴「最垃圾路線」入圍條件
1. 路線設計太過冗長,瘋狂兜路先到目的地。 原因1:路線冗長
2. 停站太多,有「遊車河」的感覺。 原因2:停站太多
3. 市面有多條巴士線行路段重複,可有可無。 原因3:線路重複,可有可無
網民票選 最垃圾九巴路線! (排名不分先後) [按:下面價錢係加價前]
1. 九巴 214(油塘至荔枝角) 車費:HK$7.9 入選原因:由油塘開出,要兜勻藍田、秀茂坪、彩虹等地方,仲成日塞車。記者試過由油塘上車,用了一個半小時還未到逹長沙灣,急尿一定死梗。
2. 九巴 28B(彩福至啟德啟晴邨) 車費:HK$5.1 入選原因:呃行車里數之作,總站去總站,行路快過坐車。 搭28B不如行路仲快
3. 九巴 30(荃威花園至長沙灣) 車費:HK$6.4 入選原因:荔景、麗瑤一帶專線小巴線(往返美孚、荃灣),車費更平,車程更短。 小巴更平更方便。
4. 九巴 40(荃灣麗城花園至麗港城) 車費:HK$8.8 入選原因:路線設計好差,未改路線之前更差。 40路線設計差
5. 九巴 42C(青衣長亨邨至藍田站) 車費:HK$9.6 入選原因:去勻成個青衣都唔夠,仲去荃灣、大窩口、石籬,要搭好耐先到龍翔道。 42C搭成世
6. 九巴 53(元朗站至荃灣西站) 車費:HK$10.8 入選原因:總共71 個站,想行青山公路遊車河真係fit晒。有網民坐過一次53號單層巴士,由荃灣廣場嗰邊上車入元朗,坐咗100分鐘!
7. 九巴 64K(元朗西總站至大埔墟站) 車費:HK$8.4 入選原因:元朗去大埔搭兩個鐘,成 60 個站,真係爬山咁爬。 64K車程2個鐘
8. 九巴 248M(青衣長宏邨至青衣站) 車費:HK$4 入選原因:成條線行落地鐵站15分鐘搞掂,真係寧願行落去好過! 行落去地鐵站仲快
9. 九巴 249X(沙田巿中心至青衣站) 車費:HK$9.1 入選原因:唔明點解行青沙公路,明明行城門會短啲,又可照顧埋城隧轉車站。呢架車都要等半個鐘一班,等到炆! 249X班次太稀疏
雖然有唔少巴士路線係重疊咗,隔幾步又一個站,但呢個都算係撘巴士、遊巴士河嘅樂趣。不過希望巴士公司聽到大家嘅心聲會好好改良路線設計啦。
原文轉自某消閒假期雜誌