好煩惱!! 如果係你, 你會點做??

davis_mav

好煩惱!! 如果係你, 你會點做??

先交代背景: 有一家三口 (60歲母(A), 姊(B), 弟(C)) 住在3-4人居屋轉公屋的單位,

弟的情況:
08年, 結婚生子, 當時戶主不肯加2人 (媳婦, bb) 戶籍, 故同年弟弟一家三口另外申請公屋. 同年10月, 弟弟一家三口被趕走, 故搬了出去住.
12年, 做審查, 同時回老家刪除戶籍, 13年派樓
(啟晴邨), 但現時未上樓.

姊的情況:
12年1月結婚並買了中高價私樓自住, 8月生b, 媽媽(A)開始亦住在她家, 逢1-5替她全日湊B.

現時情況:
當初的公屋單位, 現時只是得母(A)一個人每星期尾回家1-2日住.
姊(B)不打算交出公屋, 叫母多住幾年(白交租, 1個月住得幾日), 通到岩心水既居屋就用綠表身份買居屋.

問題:
如果向房署舉報濫用公屋, 會否影響弟(B)上樓?
沒錯, 我就是其中一個當時人(事件中的媳婦), 我唔會話我好正義, 唔多唔少我都有私心, 我係唔忿氣,
當初比人趕走都算, 我地一家三口都仲可以自立門戶,
佢地買得起樓仲要霸住間屋唔放番比其他人都算, 佢地買得起樓, 仲可以幫呢間"吉屋"交租, 已經證明經濟唔差,
仲想用呢個身份買埋居屋, 認真著數拎到盡!
我地就等公屋等左足足5年!
我想舉報佢地濫用公屋, 因為就算收番單位, 佢地根本唔憂冇地方住
你地話我衰都好, 我好大機會會話比房署知, 依家只係擔心會影響到我地上樓!

如果係你你會點做, 你會隻眼開隻眼閉嗎??

第一你只可以話母係寬敞戶,因為佢未有真正買左居屋
第二你要確定佢真係一星期先返去住2日
第三不會影響弟上樓囉

好啦講番親情
如果你同房署講,而要母交回公屋,母住邊呢?
老實講我唔會想到個家姐會同母長住
到時有機會實有掙坳

forforum46

如果由你出手, 甚麼方式最後都會落得有手尾跟... 沒地方住的時候, 可能要去和你們住...
最和諧的解決是--- 願她老人家早日買到心儀居屋, 二手市場都大把, 只看她是否光說不買罷了...

candy黃

第一:你有少少感情用事同唔忿氣
第二:(A)母都需要住那間屋呀,雖然現在多數幫手(姐)湊B,但她日後都要返去住那間屋,A同B始終相處容易同住難
(個人意見)
當然你甘正義都系值得我們學習

先交代背景: 有一家三口 (60歲母(A), 姊(B), 弟(C)) 住在3-4人居屋轉公屋的單位,

弟的情況:
08年, 結婚生...
davis_mav 發表於 2013-5-13 14:08:04

1.無論妳點做都唔會影響 (c) 上樓。
2.嬲一個人當然會好煩惱，還是放下前事開心地在啟晴開展新生活吧

davis_mav

姊打算日後買3房的居屋, 將來已同母講明會一齊住,  (因為佢要母幫手湊仔)
我當然係確定佢一星期只住兩日先咁講, (其實沒有2日, 只有1.5日)
同埋我睇過條例, 如果佢地已另有住處而不肯放出單位, 係嚴重違規, 可即時終止租約.
母現時現長住在姊單位, 只是逢星期六, 日會老家當"渡假", 所以就算收回單位, 佢唔會冇地方住.
就算當初佢地咁對我, 我冇介意過將來照顧佢, 甚至同佢住, 呢點我同先生都好有共識.
我亦向她提議過, 不如申請啟晴1人單位, 我地可以照應佢.
只不過是姊經濟情況咁好都仲要搵著數, 我睇唔過眼姐. 正如你地講, 佢唔使用呢d方法, 經濟上都買得起二手居屋.
佢地想等心水新居屋, 同放棄戶籍, 用平價買入.

davis_mav

第一:你有少少感情用事同唔忿氣
第二:(A)母都需要住那間屋呀,雖然現在多數幫手(姐)湊B,但她日後都要返去住...
candy黃 發表於 2013-5-13 14:42:52

我認我唔忿氣, 所以先煩, 如果唔識既我一早舉報左, 問題就係我都唔希望因自己意氣, 做左違背良心既決定,
所以我先0係度開post. 如果唔係, 我己經打緊房署電話啦!

我知我身份係好尷尬, 所以都好煩!

其實她回老家係當渡假, 她日後都係會長住在姊家, 到日後買居屋, 母都會跟她一起住.

davis_mav

1.無論妳點做都唔會影響 (c) 上樓。
2.嬲一個人當然會好煩惱，還是放下前事開心地在啟晴開展新生活吧;071...
FaFa@啟晴 發表於 2013-5-13 14:48:14

當年佢地點對我我仲好記得, 你試過比人用生果刀指住自己個手抱bb未? 試過一家3口訓一張3呎半都唔知有冇既梳化床未?
其實先生都叫我唔好再同佢地接觸, 因為佢地次次見面都比說話我聽, 每次回家都抑鬱發作不停喊,
但先生身邊既人成日都同我講, 因為我出現佢地頭家先會散 (將所有責任推哂落我度),
所以我就算幾唔開心, 都會叫先生同佢地和好番, 先生亦同我吵過好多次, 話唔想見佢地, 他也對家人死哂心!
尋日母親節我終於勸到先生, 一家三口同母食餐飯!
我仲開口叫她申請過來啟晴, 有咩事我地可以照應下佢, 就算煲啖湯佢飲都好!
每次先生問我, 如果母有咩事, 我會唔會照顧佢, 我都係答當然會.
我能做既只有咁多!

我明白大家既意思, 我既身份係唔適合舉報, 明知佢地做錯, 但我都決定唔舉報啦, 我怕自己會內疚.

Felice233A

凑B，B會大；姐應承同媽住，現時未買居屋，講乜都得，到買咗居屋，會唔會履行諾言，如果唔履行諾言，媽咪住邊？同你哋住？前面唔係話媽趕走你哋咩？咁關係都唔慌好，到時佢唔肯同你哋住，可能寧願瞓街喎！

ming518