飛faiyu772

回應 #10 神安飛瀑

C兄：
我見佢講到家庭咁複雜，真心想幫忙！費事答錯，竟然發現案中有案。
*過門都係客，鞭屍又似乎太暴力，建議保持和諧，千祈唔好嚇親寶寶呀⋯⋯
  

may67

回應 #2 Lhkcool球

專材／優材都是人材。佢俾我哋叻好多，佢懂嘅，奇材無需大家獻計。

MiniLo

回應 #7 飛faiyu772

劇情重組：
回到2018年，樓主同冇香港身分證但有兩個有香港身分證嘅兒子嘅女士結婚，成功加咗兩個非親生繼子名落自己個公屋申請度，變咗排3人家庭隊。
之後又唔知何解與該女士離婚，離婚後可能因特殊情況申請入住寶田中轉屋，公屋申請又變返非長者1人申請。
非長者1人要等到60歲前先有機會派到公屋，樓主再計劃加佢冇香港身分證嘅父母嘅落申請度，再變排3人家庭隊，希望早啲派到公屋及又住得大啲。

WONG@2212

2018年結婚 -> 可以由單人轉變3人大大減低輪候時間 。結婚為公屋點知判咗比女方。

kenicole

冇身份証，冇得申請

飛faiyu772

回應 #14 MiniLo

Mini推測都算合理！
樓主現住寶田，假如成功加雙親名=擠迫戶調遷申請，想住大啲用呢招也是㨗徑。
但係佢點解話三人隊？咁多矛盾位、好混亂⋯⋯希望佢出嚟解話。
  

johnykw

回應 #17 飛faiyu772

唔好意思！令到大家誤會！2018年係幫人問嘅，呢幾日好忙，都冇睇post

其實今次呢個問題係幫我女朋友問嘅，因為佢本身大陸出世，而家已經係永久居民，但佢阿爸阿媽當時都仲未過嚟香港，而家年紀大，我女朋友想佢哋一齊住香港方便照顧佢地，當然屋大啲都係好啲嘅！

所以就係問吓大家嘅經驗，我女朋友而家咁樣係咪唔可以計返之前申請單人嘅等候期而重新計過等3人隊呢？

謝謝各位🙏🏻🙏🏻🙏🏻

飛faiyu772

回應 #18 johnykw

多謝johny百忙之中抽空回答，原來2018和這次都係純屬代問。
*我都係代朋友問公屋嘢，才加入這網！當年唔識規矩，原來要講明代發帖，結果梗係百辭莫辯*
——————
**言歸正傳**
既然有權利就有義務，不如簡介你是什麼狀況？釋除大家疑惑。
A。已是輪候階段
B。現住公屋但未除名
C。與家人住居屋、綠置、私樓
D。從沒有申請公屋，自知不合資格
———————————————-
*既然女主角住寶田=公屋租戶，曾經輪候幾多年已冇關係。
*立即為兩老攞單程證，以照顧雙親為名，變成擠迫戶，然後申請調遷。
*流程大致上係咁，但實際操作需時，並非一年半載可完成。
*寶田嗰個係一人單位。或者會更複雜，假如父母有$，不如以屋換屋更好。
*歸根究底都要睇，兩老到底幾歲？健康能否折騰？因為未有大屋之前，三人就要屈喺寶田。

johnykw

回應 #19 飛faiyu772

唔該晒🙏🏻多謝你嘅熱心解答

唯有釋除疑慮，我知可以講多少少，其實我又唔係好想講嘅！係咁嘅，如果就我自己就唔合資格申請公屋嘅，我識佢嘅時候，佢已經係喺寶田邨住，佢當時同佢另一半差唔多準備抽到公屋上樓之前，咁啱佢另一半已經去世，所以房屋署安排咗中轉屋佢住，之後當返佢一個人申請公屋，我有諗過綠置居，但係年紀又唔細，亦都唔想再供樓，同埋冇咁嘅能力！佢亦都想申請埋佢父母落嚟，方便照顧佢哋，所就問大家之前嘅問題！thx🙏🏻

佢兩老都已經70幾歲喇！係完全冇錢嗰隻

A。已是輪候階段 >>> 佢係輪候緊一人單位
B。現住公屋但未除名 >>> 之前從未申請過公屋
C。與家人住居屋、綠置、私樓 >>> 我自己與家人住公屋
D。從沒有申請公屋，自知不合資格 >>> 我女朋友申請

WONG@2212

剛來港定居的人士只要年滿18歲或以上，及符合其他申請資格，便可以申請登記，不過在獲配入住公屋時，至少要有一半名列申請書上的家庭成員，必須在港居住滿七年並仍在香港居住