想加2位長者父母轉"天倫樂" 等候時間會短多少呢？

johnykw

想加2位長者父母轉"天倫樂" 等候時間會短多少呢？

各位大大好！想問一下本人現時住中轉屋寶田邨…一直排緊公屋一人單位…曾經聽過人講過住喺寶田邨可以有機會快啲派到公屋…但係之後問咗房屋署基本上冇分別！
我嘅父母本身冇喺香港居住…準備幫佢申請香港身份證…然後加埋佢哋名…想問以下問題：

1. 父母冇香港身份證…係咪都一樣可以用單程證去房屋署加名呢？
2. 係咪可以加晒兩位老人家嘅名呢？
3. 父母唔係永久居民…房屋署會唔會都仲係當我自己一個人單人申請公屋嗰條隊呢？
4. 本身我自己2018年嘅時候時排單人申請公屋嘅…排U字隊…假如宜家加咗父母落去一齊排三人單位嘅話…我知道天倫樂只當你提早半年去處理…但係我之前2018年到而家2024年…申請咗六年嘅時間…佢會唔會計埋我而家轉去天倫樂裏面咁樣會唔會會縮短返少少時間？定係佢重新當係你家庭牌隊…然後當返你第一年入紙申請公屋呢？真係太多細節嘢唔明

感謝各位大大經驗…可以分享吓比小弟子…感激感激🙏🏻

Lhkcool球

想問你父母都冇身份證，點解你會有既？

pandakikiblack

1人轉家庭 最多只會計你 等左 1.5年

MiniLo

回應 #1 johnykw

首先我都非常好奇你父母唔係香港居民，但你又點解可以入住寶田邨等公屋嘅？你當年係雙非兒童？還是另有原因？
1.冇香港身分證就唔係香港居，冇香港身分證就冇資格申請（或加名）公屋啦。批到單程證就可以申請香港身分證啦。
2.等你申請到你父母來港定居及攞到香港身分證就有資格加名申請公屋啦。
3.你加到名咪可以排三人隊囉。
4.你原本排一人隊，無論你之前等左10年或20年，加人轉家庭最多只係計你等咗1.5年。

飛faiyu772

回應 #4 MiniLo

Mini:
十分納悶為什麼他在市3發帖？於是順藤摸瓜，原來有玄機。
2018年1月6日，樓主聲稱老婆還在國內未有身份證，
而她有2個小孩，可惜不是樓主親生的，
幸好這2個小孩是在港出生的，所以有香港身分證。
此人想問可唔可以將她的小孩，一起納入申請公屋計算呢？
因為，2個人跟3個人的收入限額也很大分別！$17000 及 $22000左右

MiniLo

回應 #5 飛faiyu772

佢兩個貼嘅問題及關係相當複雜 ，為咗早日上公屋或派到更大嘅公屋真係咩招都有。

飛faiyu772

回應 #6 MiniLo

有婚姻又有兩個HK出世的小孩，係咪親生其實唔重要，啱使就夠。
睇牌面，買一送二即刻成為三人組，點解用咗四年都未搞掂？要屈喺寶田，耐人尋味⋯⋯
  

837592800

回應 #5 飛faiyu772

好奇點解又由三人變到依家排U隊？

長路慢慢

為左騙公屋, 什麼招式都用.....

神安飛瀑

回應 #7 飛faiyu772

主打一個前言不對後語，以為呢度冇人鞭屍翻舊文