顏汶羽

回應 20# fc_pga

我已主動提了由彩福去：

1. 金鍾、中上環
2. 港島東
3. 旺角、尖咀、紅磡
4. 深水步、長沙灣
5. 沙田
6. 荃灣

至於係開新線、改舊線、重組合併，我認為由巴士公司提出後，我們再作研究，收集大家意見，俾向運輸署反映，比較合當。因途中經的站，會否影響現行乘客、環保因素等等，在別區我認知始終有不足。

如果要直去旺角的話，你可考慮到彩盈坐紅van

如果每日9號巴士得1班車，仍有十名彩福居民使用，我認為試車已成功，巴士公司應將9、111p、606a改為全日行駛

isar

成大個彩褔彩盈彩德有30000人
如果出旺角得10個人用，咁樣叫成功
咁樣人地運輸署同巴士公司就更加有本錢去玩我地啦。

你唔好嚇我....
日日有唔少人落山坐車去旺角同尖沙咀既人肯定唔只10個咁少啦掛?

顏生你有無坐過一次9號，有無認真數過條線有幾多人搭?
D人坐去邊?

仲有我想問..
如果巴士公司以後都唔提出意見改善交通，我地又可以點做?
你既言論係我地唔少居民眼中係好失望..

眼見不少區議員都會自行撰寫建議書，提出更改路線或新增路線
交給運輸署考慮....顏生你就倒轉，望天打卦，你等得，唔等於我地都等得
陪你等

睇埋九巴份報告書
http://www.kmb.hk/chi/plg/files/assets/downloads/publication.pdf
第12頁
意見二十二：隨著彩福邨、彩德邨及彩盈邨入伙，九巴有否
計劃在該等屋邨設置巴士總站及開辦全日行駛的巴士線？
回應：現時111P線(彩福邨至港澳碼頭巴士總站)及606A線
[彩雲至小西灣(藍灣半島)]於早上繁忙時間接載居民前往港
島，九巴亦有密切留意上述屋苑之入伙情況，惟目前客量仍
未足以支持進一步加強巴士服務。此外，九巴已去信運輸
署，申請為彩福邨及彩德邨的巴士站加建上蓋。

30000人彩德彩盈彩福，換來係一句
"目前客量仍未足以支持進一步加強巴士服務。"

我睇唔出巴士公司於來年會提出改善我地區既交通建議

isar

顏生希望你唔好怪我講野過左火
我支持你，係因為你實事求是，為居民做事
我地需要D乜，你應該都知

我地D要求又唔係過份
只係想有個方便快捷可靠的交通服務

巴士公司每年都有路線發展計劃
如果唔爭取機會提交意見
(唔係一味話要去邊去邊，係要有詳細建議，
包括路線、班次、服務時間等)，比巴士公司考慮
好多區議員每年都會把握機會咁做，顏生又有甚麼理由不把握機會?

一人計短、二人計長，仲有成個觀塘DAB，你們人才甚多
要交份詳細建議書真是這麼困難?

顏汶羽

現時9號每日得1班車，是不能用此作居民有否需要巴士去九西的。我知每日有很多居民去九西，但都用唔到9號，因為時間唔岩。111p同606a都有相同情況，這個論點，我已於上年年中向運輸署表達了。

至於寫建議書，我已於上年3月交予運輸署。我深明大家面對的交通問題，於大家未入伙前，我已於成報寫彩福是市區的孤島，這裡亦有很多朋友知道的。我從來不會不將大家的意見反映予有關部門

fc_pga

回應  fc_pga

我已主動提了由彩福去：

1. 金鍾、中上環
2. 港島東
3. 旺角、尖咀、紅磡
4. 深水步、長沙灣
5. 沙田
6. 荃灣

至於係開新線、改舊線、重組合併，我認為由巴士公司提出後，我們再作研究，收集大家意見，俾向運輸署反映，比較合當。因途中經的站，會否影響現行乘客、環保因素等等，在別區我認知始終有不足。

如果要直去旺角的話，你可考慮到彩盈坐紅van

如果每日9號巴士得1班車，仍有十名彩福居民使用，我認為試車已成功，巴士公司應將9、111p、606a改為全日行駛
顏汶羽 發表於 2011-12-1 07:17:51

主動提出要開巴士線去呢度果度, 同埋主動了解區內交通網絡, 提交詳細建議, 係兩個完全不同層次.
只係識要求開巴士線去某某地方, 運輸署同巴士公司的想像空間可以好大,
隨時提出一d垃圾方案玩我地而你唔發覺, 就好似條9號巴士咁.
相反, 如果你能夠更有建設性, 提出一D實際方案的話, 運輸署同巴士公司就會針對果D方案直接進行研究,
已經慳返成個步驟. 如果你提出的方案真係可行, 合乎佢地底線的話, 佢地自然就會執行.

你可以睇下全港各區, 近年好多巴士線重組, 都係議員 (包括貴黨其他區的區議員) 提出詳細方案,
交俾運輸署考慮, 接納之後就即刻可以執行的.

講返你的建議:
1 & 2:
金鐘, 中上環直接將111全日拉上彩福已經搞掂, 111P個行法, 相比其他過海線其實唔算慢.
至於港島東, 我可以好肯定咁講, 606A無可能全日, 因為全日就一定係由606抽調資源,
但係606而家已經好疏車, 而且你咁將條606抽一半甚至全部班次上山,
搞到對面海東區無左巴士去九龍灣工業區載佢地返工放工, 你估人地會唔會反枱?
反而爭取下午繁忙時間一兩班回程服務就好合理.
去港島東需求根本唔大, 但係606A當然有好過無, 起碼去鰂魚涌, 太古坊都算好直接,
呢個case唔可以同去旺角/尖沙咀, 需求大但係9號車要兜餐飽搞到無乜人搭一概而論.
港島區來講, 如果彩福唔係有一半人口足不出戶的話, 全日加埋最大需求
應該係北角, 銅鑼灣同灣仔, 但係你又隻字不提.

3:
而家9號車已經要1小時10分先出到尖沙咀, 如果你係想要一條經旺角, 尖沙咀先到紅磡的巴士線,
要幾耐先去到紅磡? 行落山搭15或者28號巴士去紅磡, 車程都只係20-25分鐘咋.

4:
深水步, 長沙灣根本直接拉6D繞經已經搞掂, 點解你只係提要求設巴士線去深水步同長沙灣,
而唔係直接向運輸署建議6D繞經彩盈?

5 & 6:
而家觀塘無一條遠離港鐵站的屋村有巴士去沙田同荃灣, 幾時輪到彩福村?
我唔係話無需求, 但係返工需求一定係集中晌旺角, 尖沙咀, 長沙灣, 紅磡呢D傳統返工地區.
觀塘而家條條村要入新界, 都係靠巴士線轉乘優惠, 例如順利村有23M/29M,
藍田有16M, 油塘有14B, 秀茂坪有13M, 轉車入新界, 觀塘入面果程可以有$3.8優惠.
因此你其實應該爭取開條區內駁腳線, 方便我地居民轉車入新界.
相比起新界線, 彩福其實更加需要一條駁腳線, 方便轉車之餘,
可以載我地去觀塘巿中心同聯合醫院, 有巴士線去醫院, 去巿中心實在係好基本的要求,
去觀塘巿中心的需求肯定大過入新界好多, 但係你又隻字不提.

fc_pga

回應  fc_pga

如果要直去旺角的話，你可考慮到彩盈坐紅van

如果每日9號巴士得1班車，仍有十名彩福居民使用，我認為試車已成功，巴士公司應將9、111p、606a改為全日行駛
顏汶羽 發表於 2011-12-1 07:17:51

我地唔搭9號, 時間唔岩固然係一個因素, 但係當行一大餐落山搭車隨時仲快過搭9號果陣,
試問有幾多居民會以9號為首選? 有幾多人鍾意左兜右兜先出到去?

9號出到去個時間其實撞正唔少人返工的時間, 咁都得十個客搭,
咁都叫成功, 我真係覺得好失望.
如果9號全日的話, 運輸署同九巴就會以"彩福已經有9號車,
但係都無咩人搭"做理由, 拒絕進一步改善彩福的交通,
拒絕俾我地有更合理出旺角同尖沙咀的選擇, 永世不得超生,
我地被迫做二等公民.

你應該趁9號未曾全日的時候, 爭取一d更合理的出旺角, 尖沙咀, 九龍西的巴士線先係....

至於你話直去旺角, 可以"去彩盈坐紅van"喇喎, 第一條紅van只係返秀茂坪個方向途經,
出返去個方向都係去行餐死先有得搭, 第二你知唔知紅van收幾多錢?
我地住得公屋, 都唔係有錢, 點解要我地一係就行餐死, 一係就兜餐飽,
一係就俾多幾蚊? 你叫我地去坐紅van, 唔好意思,
我覺得你完全係同現實out of touch, 唔明白我地需要D咩.
我地既要求好簡單, 只係一條全日直出旺角的巴士線,
收費合理 ($6以下), 行太子道東直出, 沿途停站,
唔係好似條9號, 兜彩虹新蒲崗黃大仙, 浪費我地寶貴時間.

fc_pga

現時9號每日得1班車，是不能用此作居民有否需要巴士去九西的。我知每日有很多居民去九西，但都用唔到9號，因為時間唔岩。111p同606a都有相同情況，這個論點，我已於上年年中向運輸署表達了。

至於寫建議書，我已於上年3月交予運輸署。我深明大家面對的交通問題，於大家未入伙前，我已於成報寫彩福是市區的孤島，這裡亦有很多朋友知道的。我從來不會不將大家的意見反映予有關部門
顏汶羽 發表於 2011-12-1 09:33:43

9號巴士無人搭, 根本反映唔到居民去旺角, 九龍西的實際需求,
問題係運輸署同巴士公司點理解統計數字, 你知道政府班官
好鍾意只識得睇統計數字做人, 而唔諗下點解果d數字會出到來.

上面都講左, 9號無乜人搭, 時間唔岩固然係因素, 但係條線兜餐飽先出到去,
吸引力實在太細, 我希望你明白我地應該要受到更好的對待.

606A已經係由朝早六點幾直到差唔多九點, 繁忙時間完左都有車,
但係都唔係太多人搭, 呢個就真係說明去港島東的需求唔大喇.
不過606A就真係有好過冇, 起碼佢行法都算直接,
唔似得9號呢d兜來兜去搞到趕客的例子.

你同運輸署反映交通問題, 同寫建議書, 根本係兩個唔同層次.
前者只係反映問題, 無提出點樣解決問題; 相反後者真係提出點樣解決問題, 作出改善.
我地希望你能夠真係爭取主動, 主動提出建議.

顏汶羽

好呀，我就將你的建議交俾運輸署，多謝你的寶貴建議

eeev

好呀，我就將你的建議交俾運輸署，多謝你的寶貴建議
顏汶羽 發表於 2011-12-1 22:03:33

希望運輸署會聽啦.....9號真係好好好好好好慢...

kwanyk01

開條9x彩福直出尖沙咀旺角,但大部份路線到坪石後與26/27相同,查荔枝角,美孚no.6 no.6a去尖沙咀正因此合併cut左6a,估計9x難,除非早晚 繁忙時間開幾班或許會被接納,一係26/27兜上彩福,但人地順天,彩雲一定反枱,可否考慮83A去油尖