johnykw

回應 #21 WONG@2212

哦！謝謝解答！

如果你咁講，咁即係父母未夠7年都只可以帶一位父親或母親，不可以同時帶兩個老人家了，所以最終只可以當2個人申請了？我說得對嗎？

飛faiyu772

回應 #22 johnykw

NO! 夫妻關係永遠都是一體的，唔會只計其中一個，除非有人身故或離婚。

飛faiyu772

回應 #20 johnykw

意思是說C兄的女友暫住寶田，另一方面又可以繼續輪正常的公屋？
如果你倆結婚，她有工作又肯一齊供樓，經濟上應該輕鬆啲，到時有自己嘅屋，接兩老到HK都唔係問題。
*其實七十幾唔算老！最緊要行動自如，要等佢哋住滿七年才可申請加名，反而有變數，這方面值得留意*

MiniLo

回應 #18 johnykw

你2018年發嘅第一貼同今次呢一貼所描述嘅都係用第一人稱“本人”或“我”，唔係其他會員誤會你，係你自己講得“唔清唔楚”。
即然你嘅“女朋友”本身都係因為配偶離世而得到房署特別照顧先至可以暫時入住寶田中轉屋等候公屋，即係佢本身都搞唔掂啦，仲想再申請兩位年過70嘅父母嚟香港一齊申請公屋？
如果你“女朋友”係買到居屋或私樓就話有能力接父母嚟香港照顧佢哋啦，佢自己都係靠政府特別照顧過日神，仲點樣照顧佢將來申請到嚟港居住年過70嘅父母？到時咪又係靠政府！
有心照顧父母嘅，就自己返上去照顧啦，至少係大陸都住得大啲、消費低啲，父母都生活得好啲。

飛faiyu772

回應 #25 MiniLo

Mini:
過日神！好耐都無見到呢隻形容詞。
通常衣錦才還鄉，唔會無端端打回頭，
老鄉肯定會認為她混不下去，故鄉的日子寸步難行。

MiniLo

回應 #26 飛faiyu772

飛師兄：
佢自己都係靠攞政府福利生活嘅人，佢自己冇本事就算啦，仲想搞多兩件年過70嘅長者嚟香港攞政府福利，真心睇唔起呢啲自私精！

飛faiyu772

回應 #27 MiniLo

Mini:
一拖二攞福利，懂得計算就係本事，香港人？有排學。
中港融合𧗠生出來嘅問題，三日三夜都數唔完，公屋輪候人士首當其衝，慘被剝削，苦過 Dee Dee ⋯

johnykw

回應 #27 MiniLo

我女朋友並沒有攞政府錢，點解你會定義咗我女朋友係攞政府錢？你咁樣未免太主觀！

學歷唔高，小學全部，返到上去搵啲乜嘢工作可以多啲錢？不如你教吓我？

或者你又講吓乜嘢人有需要或者有資格要申請公屋？
不過我講完你都係唔會信！咁我講你又做乜嘢呢？

你哋喺度問問題，我有冇懷疑你哋？
點解要下下咁樣攻擊人？

johnykw

回應 #25 MiniLo

你講嘢好唔好唔好咁主觀！搞唔掂，就叫人返返去大陸！
咁我諗我自己都搞唔掂自己，我係咪都要返大陸啊？真搞笑！同埋我想問吓點樣為之搞唔掂自己？

好多香港人出嚟租屋住一家大細，啲錢啱啱好夠洗，咁樣算唔算搞唔掂？

申請得公屋，係咪就代表搞唔掂？你不如出嚟定義下。你嘅定義好模糊。

喺香港一層樓要幾錢？好多的士佬做地盤判頭夠好有錢夠住公屋？出現金呃政府，咁呢啲人應該點呀？不如你又出嚟定義下聽吓你高見，講你就叻

唔係話要咁樣就代表我好有正義？而係點解你下下要針對人？

johnykw

回應 #25 MiniLo

你講嘅嘢有一部份係冇錯，但係我唔會完全認同！

首先你講得啱嘅係國內地方大，住係舒服好多！呢個我好同意

但而家問題係佢個女要喺香港搵食，佢父母得佢一粒女，佢又想照顧兩老，咁我想問吓你喺咁嘅情況底下點樣搞？
而且如果你係佢嘅情況，佢自己一個人都排緊公屋，都已經排咗五年，咁你係佢你係咪真係會放棄？不過就算你話你自己放棄都好，每個人嘅諗法都唔一樣，你唔可以逼人哋好似你嘅諗法同你一模一樣

我明白有好多人利用好多渠道去呃政府錢，攞政府着數，尤其啲大陸人落嚟同我哋爭屋住，呢個我明白嘅！但係都唔好以偏概全！或者你真係好憎恨呢啲大陸人搞到香港咁，我只可以明白你，但係我唔會完全認同！
因為我亦都識好多香港人做裝修都好鬼有錢，佢咪又係一樣申請公屋！點解要選擇性特別憎恨？