carol2357

回應 #20 Cclemoncc

感謝你
因為如果要咗長者屋嘅話
變相父親嗰間租置屋就唔會有我份…我細佬係巨無霸要晒…因為成功要咗長者屋都係公屋…公屋戶唔可以做業主繼承亦都唔可以再喺阿爸間屋度住…
等同於我放棄成間屋畀晒我細佬…我細佬順利成章做咗業主我冇名冇業權亦都冇得喺度住…要等佢賣左分錢…如果佢長期唔賣我呢世都冇錢分…咁變相住又冇得住錢又冇得分即係一無所有歸零囉？


我都唔知點算 進退兩難
為咗保障自己增加安全感要咗長者屋跟住買二手公屋…變相阿爸間屋好似益晒我細佬咁…我有好多嘢都好唔甘心


香港公營房屋討論區
https://cyclub.happyhongkong.com

carol2357

回應 #4 rainbow`

父母偏心，免稅額歸弟弟用，同弟嚴重不和，弟學歷高、人工又高過佢一倍，一齊住租置屋，雖然有平安紙寫係姐弟聯名業權，但2027就供完想賣樓分4份，
問大家應唔應該申請特快公屋？又驚有屋時弟弟會罷佔父母的租置屋，覺得蝕底。


我可以點做

Cclemoncc

回應 #21 carol2357

租置屋本身都冇左你名，唔係就即係自由身喇咩？自己再排過嘅話，都可以有機會上左樓爸爸都未走架嘛。如果上左樓之後爸爸先走，都唔可以當承繼遺產咁架咩？到時都唔可以分一份架？

Roy444@

回應 #21 carol2357

自己有本事有能力靠自己吧❗做人心胸廣闊豁達會開心多 經常諗住個自己解決唔到既問題 只會令整個人困在死角 到頭來得到未必享到😌命裡有時終需有 無時莫強求 放過別人等於放開自己❗

flytosky2023

樓主, 沒睇晒篇文, 人地形勢比你強, 唯有自強增加收入才能掌握命運, 例如學習經營自媒體 (blog, youtube等等)

carol2357

回應 #25 flytosky2023

Eiffel

1. 你要搞清楚果個聯名業權, 係咪長命契? 即係死後果個領晒.
2. 中國人傳統, 幾個仔女的話, 通常要睇邊個養父母到老死, 咁果個就係得到最大份的遺產,
我自己係過來人, 兄弟都唔畀家用得我一個負責,所以我覺得以後得到的都係問心無愧,對得住其他兄弟.
3. 不要睇目前(你可以當之前的家用都只係還返老豆老母養大你的恩情) 要睇以後.
因為呢個先至係最大的開支,人口年齡越來越高,要養老年人通常都係無得賺,要蝕大本的!而且仲好辛苦!
4. 無論前業主或前業主配偶,都係好難再申請公屋的.(好似還有條規則公營房屋賣出後係起碼兩年後才可申請公屋,也有說法話不准申請公屋,除非佢地申請咗破產)
你用佢地做公屋成員,我唔肯定有無問題. 若無問題就有長者特快加速最多3年,這幾年你都要捱貴租, 萬零蚊收入肯定唔掂!
5. 法例上, 其實執正來講, 你現時已經係唔可以住在你無名的租置單位了.
6. 或者你搵社會福利處研究下.佢地才有權批特快上樓.

carol2357

thx

g1403

回應 #21 carol2357

有唔甘心呢個諗法係好自然，遇上不公平的事情誰人還會欣喜接受呢？但現實歸現實，連父母都怕了細仔時，你亦無實際權力制衡到弟弟，即你也心知自己不能從中取到什麼時，唯有轉個視野角度去面對。儘管你為呢件事不甘三五七年甚至十年廿年而仍未得到你心目中要的，倒不如實際點為自己計劃將來的生活如何能再過得好些，甚至可以提升一下自己各方面去結識另一半，說不定在付出努力過後你找到了自己的感情幸福，弟弟還羨慕你起來，到時可能你也不再為分資產的事情不甘心，還覺得手上已擁有的比弟弟擁有的更珍貴更適合你自己。倘若有些人生經驗，相信有些人也經歷過類似情況：1.在努力爭取後成功擁有了，但發現高興了一剎那後，內心又打回原形（況且在爭鬥的過程裡很辛苦），生活仍是空虛苦悶不知如何才尋得真正的快樂，於是又繼續無止境地追求下一個目標，如此循環下去，整個過程中就一直被未得到手時的不甘心纏繞著，到頭來生活仍是稱不上快樂自在；2.曾經得不到認為自己應得的東西而不甘心，唯有試著走別路，誰料若干年後再回頭看，才發現就著某些因素，原來當年自己沒有取得那些東西，才能造就目前更適合自己的美好生活，相反若當年得到了，雖然當刻氣是順了，但日子久了反倒會𣶹生更多麻煩懊惱的問題，命裡不是屬於你的就無謂勉強去追了。當然，孝順父母也是值得欣賞的，替你父母感恩有一位會將收入約3份之1抽起做家用給他們的乖女，就先做好自己的本份，對父母問心無愧讓父母感安慰已是你已擁有的福份，其他人怎樣是他自己的事，只要不白白拿走你多年來用自己血汗所換來的就好。就讓我們繼續努力磨練怎樣面對不公，就像派公屋般，同樣家庭人數的隊伍，為何有些派到上等肉，有些卻派到骨中骨，這不公我們能控制嗎？不甘心過後就必能獲派dream house嗎？若想善待自己，我們能做的就是換個角度去面對眼前實際的生活，怎樣能令自己過上更理想的日子，打造更適合自己的將來。對不起，剛發現原來自己說話也很纍贅，委屈了大家要一下子消化這麼多文字，希望或多或少能開解你一點，一起加油！

carol2357

回應 #29 g1403

支付寶餘額及銀行利息係計資產？1. 支付寶嘅餘額結餘係計收入還是計資產

2. 另外活期存款中銀紅簿仔每個月嘅利息自動畀嘅打簿

想知申報係計利息還是資產呢