多謝你抽時間睇呢篇文
我同我細佬關係反目好多年…爸爸媽媽都係比較偏幫佢
我細佬做港鐵工程師都有七年呀…佢份工好似政府嘅鐵飯碗咁有14個月糧…都有唔少津貼福利…我諗佢每個月搵大約三萬元…話晒佢都HKU碩士畢業
一直以嚟我都一萬至萬三內嘅工作…都係年年轉工嗰啲唔太穩定做補習嘅
我覺得我細佬幸福係因為阿爸買咗租置屋…雖然業主名係寫老豆一個…媽媽和細佬係認可嘅家庭成員…但係供樓費由我細佬出晒
我細佬話我係外人…間屋我冇名(某啲原因係買之前我已經除咗名) 即係就算買咗都冇得加名…阿爸保障我在立咗張平安紙寫明間屋係兩姐弟聯名業權
我細佬蝦我就話間屋我冇名唔係我想畀錢就可以畀錢…佢話我係外人冇資格出供樓費…我老豆討好佢亦都唔得罪佢…當初老豆有講過話間屋畀曬佢賣嘅分錢畀我…我細佬係同意嘅不過到最終係咪咁就真係唔知喇…間屋2O27年供完…我好擔心唔知到時會係點…只係覺得我細佬係一個惡霸巨無霸好強勢…你都知港鐵最近45週年有個一加一嘅福利就係單身嘅員工可以推薦屋企人多一張免費搭車證
我知道我同佢關係惡劣我唔會有份…諗住佢搞一張免費搭車證畀父母…佢大牌一個月返嚟兩次就算…就好似老細出糧咁畀家用食餐飯收信…佢連提都冇提過…幫父母搞證…我媽媽話唔好提出同佢講…心知就算數…我想知點解我阿媽咁諗嘅其實係咪驚得罪佢呢？
我只係知道就算佢唔孝順對父母唔好…間屋最終都係畀佢…所以我好唔開心好唔甘心…我係同父母一齊住嗰個…好似寄人籬下咁…所以我覺得好似生活得等死等災難度咁
第二樣唔開心就係我知道嚟緊下年我應該會超呢個個人免稅額13萬2嗰個…到時我就要報稅同埋交稅…因為我從來都冇收過報稅表所以應該下年係遲收㗎…個痛苦就嚟喇…除非我辭職唔做放棄份工否則下年應該會收到稅務局嘅表…因為過去咁多年都係年年轉工年年都唔超越免稅額所以唔會有報稅表呢樣嘢
因為我細佬高學歷高收入基本上佢應該填晒供養父母唔同住…因為佢有港鐵房屋福利可以申請 攞唔到同住免稅額…佢霸晒父母個quota
如果到時我同爸爸講我淨係養爸爸一個供養爸爸
(同唔同住同佢冇關係)
我擔心佢發惡唔肯啫
跟住佢話自己畀得錢多又偷雞我都唔知點算？
佢供樓費同家用佢出晒$7000
我又畀屋企家用嘅$4000
到時個蝦我日後買咗間屋唔分錢咁點呢？
老實講我都唔知佢日後分唔分可能都係呃我
我好擔心我老豆好好佢叫我放棄免稅額畀晒佢
我又覺得好唔甘心囉
當然一人一個係最公道嘅…即係同一年裏面我揀供養爸爸…佢揀供養媽媽…因為如果佢唔肯放手嘅話稅務局係應該兩個都唔批…我只係擔心父母為咗討好佢…變相叫我放棄免稅額唔同佢爭咁咪即係蝦我囉？
至於點解我要申請上公屋希望可以透過特快公屋去保障我自己…雖然唔知可唔可行…我希望可以住嗰啲特快長者屋…儲多個錢傍身三年內或者三年後啦買二手租置公屋？ 所以你講得啱同老人家住幾辛苦都好住住先都要照住
我預咗自己嫁唔去呢間就係姑婆屋喇…
雖然父母曾經講過話間屋2027年供完中銀按揭到時賣咗分四分 但係我心諗賣咗父母住邊呢？ 賣咗好呀我有一筆錢可以買二手租置屋…如果我細佬反對呢咁我咪真係連錢都無？
因為如果要咗長者屋嘅話
變相父親嗰間租置屋就唔會有我份…我細佬係巨無霸要晒…因為成功要咗長者屋都係公屋…公屋戶唔可以做業主繼承亦都唔可以再喺阿爸間屋度住…
等同於我放棄成間屋畀晒我細佬…我細佬順利成章做咗業主我冇名冇業權亦都冇得喺度住…要等佢賣左分錢…如果佢長期唔賣我呢世都冇錢分…咁變相住又冇得住錢又冇得分即係一無所有歸零囉？
我都唔知點算 進退兩難
為咗保障自己增加安全感要咗長者屋跟住買二手公屋…變相阿爸間屋好似益晒我細佬咁…我有好多嘢都好唔甘心
