所謂寬敞戶，係1人居住公屋面積大於30平方米，2人大於48平方米。。。但試想想，現在好多2或3人輪候冊申請配屋都係廿三，四平方米，3人好彩至配到30點幾平方米，如果話加少少租就唔洗換番間屋出嚟，係無道理，呢個唔係錢嘅問題，係資源分配嘅問題。
但親人離世，房署亦要顧及人家嘅感受同需要，太少嘅搬遷津貼，真係杯水車薪，除金錢上亦應考慮其他方面嘅協助；試諗如果得自己一人，要替親人辦後事，收拾遺物，返工，仲要煩搬遷，所面對嘅壓力“不足為外人道”，房署應以每戶不同情況去處理，否則會俾人“不近人情”嘅感覺。（不喜勿插）
