十多年前, 當時我還在 "堅道萌愛" 教書, 妳就在旺角的"零食不說話"當妳的店長. 在一次朋友的連結下我找到了你的BLOG, 大家聊了2年多, 慢慢再而發展成為....BLOG 友.... 朋友.....知己...... 二家姐! (無錯, 唔知道幾時開始我叫你做二家姐, 好似因為妳經常掛在咀邊家姐的口吻, 樣樣事都給我指示! @ 哈哈~~~ 其實都幾煩!)
但其實, 我可以每日放學改完簿唔直接經灣仔返大潭屋企, 而走過去旺角中心去(@見妳)探你班! 日日都買十蚊八蚊的小零食同玩具! (當年你最愛的是小新) 不過我買來唔係自己食, 而係次次都存好, 約一個星期包裝成小禮物再送回給你這個二家姐!
呢個情況都維持左成年幾, 而因為妳跑數叻的關係, 就時常被轉舖去青衣, 荃灣! 令我時常去到旺角都失望而回! ICO/MSX 又因為ON DUTY 唔能夠時常的回應! 而我亦都轉左工, 慢慢地少了聯絡!
最後~~~ 亞虎BLOG 收工了!
上個月在中環地鐵站出口, 見到你著住粉紅色華X結的制服在派傳單, 當我地多年後的第一個相見,感覺竟然好以時空停頓一樣, 好似成條行人路得我同你兩個一樣 @ 只係大家站著的對望數十秒!
最後你忍唔住口叫了我一句 "大頭熊", 我就回了妳一句 "嘉儀" !
突然間, 眼淚從你的眼角流下, 以震動聲講出一句 : 點解你失左蹤, 我等你等左好多年, 點解!
當時我好突然, 我唔知道點回應你, 只回了一句 : 你等我? (時空再一次停頓, 一幕幕當年的情景以數秒的時間全部從腦底RECALL!)
妳沙啞聲跟眼淚一擁而出再說道 :
我好辛苦! 我真係好慘! 你幾時可以救我出困境!
(原來佢現在已經嫁左人, 當然我都成了家有了小朋友啦!因為佢當年等唔到我對佢表白, 而又被現在的老公成功追到! 佢地新婚開心了大半年, 男的才開始現形! 不只唔返工, 日日在家打機, 唔做家務, 而佢就要努力工作去維持呢頭家同高昂的板間房租金!)
後記, 當日街上好多人在圍觀, 而有人更拿出電話想拍片! 當時我不知如何是好, 只是給了一張紙巾同名片比佢,就說我趕著回公司.................
當年的我與妳 (亞虎BLOG篇) 待續
亞虎幾時寫？ 
跟住會有3级發展.....精彩内容 
