全球首部 8K 電視 10 月現身! 貴到你唔信!
阿坤(prince1025)
唔知大家對電視有無話有啲咩嘢要求呢? 話說 4K 電視到而家都未普及, 日本品牌 SHARP 就宣佈,將於 10 月 30 日喺日本市場開賣世界上第一部 8K 電視: LV-85001。呢部電視將會配備 7680 x 4320 解析度嘅螢幕,已經可以用「逆天」呢兩個字嚟形容。除左有極高解析度之外,佢嘅售價......貴到版主都講唔出口。日本開價 1600 萬日元,如果計番港幣,要成差不多港幣一百萬,咁貴,真係搵鬼買嚕!
全球首部 8K 電視 10 月現身! 貴到你唔信!
呢部 8K 電視用上左氧化銦鎵鋅 (Indium Gallium Zinc Oxide, 簡稱 IGZO) 嘅 LCD 顯示器技術,可提高解析度之餘,又可以減低成本。而佢 8K 解析度嘅總畫素大約係 3300 萬左右,比 4K 電視嘅總畫素多 4 倍,如果同 Full HD 電視相比更加無得比,總畫素比 FHD 電視多左成 16 倍! 有無誇張左啲呢?
不過咁,呢部 8K 電視淨係俾企業用戶訂購,而且就算係擁有高超電視技術嘅日本,都要等到 2018 年先會正式播放 8K 影音內容。所以就算你好有錢,死都要買部 85 吋嘅 8K 電視番屋企,現階段除左 YouTube 之外,你都未能夠體驗到呢部 8K 電視嘅威力! 所以都係等下啦!
全球首部 8K 電視 10 月現身! 貴到你唔信!
▲ 全球首部 8K 大屏幕電視。
全球首部 8K 電視 10 月現身! 貴到你唔信!
▲ 某程度上有真係幾清嘅,不過個人覺得電視睇得到已經好足夠。
全球首部 8K 電視 10 月現身! 貴到你唔信!
▲ 影像無錯係好清晰,不過再清晰都好,就算係日本都要去到 2018 年先會推出 8K 影音內容。慢慢等下啦!
呢部 8K 電視實在太貴,就算佢解析度有 8K 都好,版主我覺得電視啫嘛,睇到咪得囉! 除非你真係好有錢,如果唔係真係玩唔起呢部 85 吋嘅大電視! 你哋對呢部電視有無啲咩嘢意見?