不摺嬰兒車 被拒登巴士 婦推B擋城巴

不摺嬰兒車 被拒登巴士 婦推B擋城巴

「你屋企有冇小朋友㗎？呢度香港嚟㗎……」一名婦人昨中午推着嬰兒車在香港仔華貴邨巴士總站擬登乘一輛城巴時，疑不願將嬰兒車摺起遭車長拒絕上車，竟推着嬰兒車擋在車頭阻止巴士開出，聲言「香港冇良心」，有乘客及路經市民不滿她的舉動圍着她指罵，她最後將嬰兒車推至一旁，但仍不停嘴呻道：「香港仔啲人咁冇人情味！」
記者：司徒韋桐 黃　昇
昨有人將此段「BB車擋城巴」影片上載至互聯網，引起網民熱議，多數人批評婦人野蠻及行為危險，並力撐車長，但亦有人表示同情。現場為華貴邨巴士總站107號線站頭，這段歷時兩分半鐘的影片顯示一名穿黑衫、花色褲及紅色波鞋的婦人，推着一輛嬰兒車擬上車，而嬰兒車上除載有嬰兒，還放有一個背囊，疑婦人不願摺起嬰兒車才上車，故被拒登車。
乘客不滿 指摘阻開車
這名說話帶鄉音的婦人在巴士旁與車長爭論一番不果後，激動地說：「冇良心！」其後更將嬰兒車推至巴士車頭前阻止巴士開出。當時該輛城巴已亮起右指示燈，相信車長正打算開車。有車上乘客感不滿，落車勸婦人摺起嬰兒車上車，但她以車上仍有小朋友，難以摺起嬰兒車為由拒絕，並語帶無奈道：「你話阿叔，我真係上唔到㗎，我唔係講笑㗎。」但她的阻車行為，隨即引來車上及途經市民的不滿，高聲喝道：「收唔到㗎BB車就唔好上啦。」
該婦人聞言即反駁，並指着一名男子罵到：「你屋企冇小朋友㗎？你冇良心，冇人情……呢度香港嚟㗎！」對方於是建議她改搭的士，但她以沒錢為由，繼續站在車前。事件引來5名男子圍住她不停指罵，「走啦，妳都唔講理由嘅。唔係搭車唔好阻住人啦」。在5人一輪嘴圍攻下，婦人終肯將嬰兒車推至一邊，讓巴士載客開走，但仍繼續罵香港仔的人「冇良心，冇人情味。」
城巴發言人回覆查詢時證實，昨中午12時許，一名有20年經驗的車長，在華貴邨巴士總站開第一轉車，其間一名婦人因未有將嬰兒車摺合被車長拒絕登車，其後婦人更將嬰兒車推至巴士車頭阻開出，經車上乘客勸籲始離去。據悉，當時婦人要求車長開中門，讓她與嬰兒車從該處上車，被車長拒絕。發言人稱，根據乘客須知，若有乘客與兒童手推車同行，應先將有關車輛摺合再登車，以策安全。
運輸署認同摺車要求
事件引起網民熱議，有網民更從婦人的口音及言論，推測她為內地人，批評她行為野蠻。一名巴士車長接受訪問時，坦言他以往亦見有乘客欲將BB車抬上車，「我都有叫佢收好BB車先好上車」。並稱事件不是物件大細問題，「運輸署都定落咗規矩，大家都要執行」，認為片中婦人不懂規矩：「如果個個都係咁樣，成個香港都亂晒籠啦！」
今年4月，網上也曾熱播一對夫婦搭巴士往珀麗灣時，不滿車長要求他們摺起嬰兒車，怒罵車長，更揚言出律師信控告司機衝黃燈。其實，手推嬰兒車能否登上巴士，過往亦有爭議，有市民曾向交通諮詢委員會投訴，運輸署指理解乘客難以安全操控未摺好的嬰兒車，但為確保巴士上乘客及嬰兒車內嬰兒安全，認同巴士要求嬰兒車先摺合才登車。

家長點睇？ 陳太：唔摺BB車會危險

有婦人因未能將BB車登上城巴，激動地將BB車擋在車前，住在香港仔華貴邨的陳女士亦身同感受地稱：「收車好麻煩，(巴士)公司唔畀(唔收車)都冇辦法」，如獨自帶小朋友搭巴士，會攜帶孭帶，認為巴士公司應酌情處理同類事件。

另一名家長陳太指，上巴士前會接好BB車，坦言「唔摺(BB車)先上車會危險，架車會郁，人都會跌」，其夫陳先生則指，如不接好BB車，對乘客及自己做成不便，亦會考慮乘搭的士。

劉小姐則指，平日會手抱BB上車，其後再摺好BB車，過程狼狽，或會叫其他乘客幫忙。她直斥該名激動婦人，「梗係唔啱啦，想個BB死咩，如果架車dup唔切點算」。

有婦人將BB車擺在車前，惹來虐兒及阻街之嫌。

對於事件中婦人用「BB車」來攔阻巴士開車，是否構成虐兒呢？執業大律師陸偉雄解釋，虐兒需從時間及環境來判斷，「如果棄置個BB喺橫風橫雨或危險的環境之下，又或者擺喺路邊成一個小時，咁就可能係虐兒。」但觀乎今次情況，媽媽正與人爭執，並非刻意要令兒童受傷害，所以不構成虐兒。

對於有網民稱「BB車」阻攔巴士會構成阻街，陸偉雄稱，阻礙行車道比一般街道較嚴重，但判斷是否阻街須按其意圖，「例如有人多次叫佢行開，佢都唔肯，一直阻住行車，又或者阻礙時間好長。不過今次以事件性質嚟睇好小事，即使警員到場，都係警告或勸籲了事。」

有婦團建議大家可各讓一步。

對於有激動婦人推着嬰兒車被拒上巴士，有婦女團體指事件本可小事化無，認為媽媽先讓步的話，相信司機和其他乘客會協助她上車。

「最好係一人讓一步」。鴨脷洲婦女會主席蔡月嬋指，由於該區沒有港鐵，不少媽媽帶BB出街都需使用交通工具，所以出門要自備孭帶，方便上巴士時一邊抱BB、一邊收起BB車，「咁多年呢區嘅媽媽都係咁做，只要媽媽肯收車，司機會等你，其他人見你狼狽都會幫你，一般都冇問題」。

民X黨婦女政策副發言人陳樹英認為，最好當然由媽媽配合收車規定，但她說:「有啲媽媽可能真係體弱抱唔到BB，如果係咁，巴士公司係咪應該唔好將BB車睇成行李？」她以輕鐵作例子，指如屬繁忙時間或車廂擠迫，車長都會勸籲乘客收起BB車，但其餘時間則不限，「套用落巴士都應該有通融空間，當然呢種酌情要睇情況，包括媽媽狀態同埋交通情況。」

巴士車長：個個都係咁，香港亂晒籠




有婦人因不能登上城巴，激動地將BB車頂在車前，引起網民熱議。於今日下午2時許，將該短片上載facebook的余先生稱，該短片由朋友分享，他因見該婦人行為「野蠻」，遂再協助分享短片。他認為片中的婦人不懂規矩：「如果個個都係咁樣，成個香港都亂晒籠啦！梗係唔得，做壞規矩！真係好人難做。」

任職巴士車長有7年的他坦言，以往亦見有乘客欲將BB車抬上車，「我都有叫佢收好BB車先好上車。」並稱事件不涉物件大細問題，「運輸署都定落咗規矩，大家都要執行，例如一啲行李，如果唔超過限制，又唔會防礙他人的話，相信都會俾帶上車。」

推著BB車的婦人，經乘客勸籲後離開。

對有激動婦人以BB車擋著巴士，城巴發言人回覆《蘋果》查詢時證實，事發於今日中午12時許，當時為任職20年的車長的第一轉車，他報告指，當時有一名女乘客，在香港仔華貴邨的巴士總站，欲登上107號線城巴往九龍灣，但因婦人未有將嬰兒車摺合，被車長拒絕登車，其後更將BB車推至車頭前阻礙巴士開出，經車上乘客勸籲後，她始離開。發言人續稱，根據乘客須知，若有乘客與兒童手推車同行，應先將有關車輛摺合再登車，以策安全。

根據資料，多間巴士公司均要求乘客上車前先將嬰兒車摺合，如否，車長有權不讓有關乘客登車。至於珀麗灣的邨巴則一度暫准可讓乘客不收嬰兒車(http://bit.ly/1R2VZFD)。

【網民點睇】
Alex Yiu：為上車都要搞到全車人攬炒。
Moon WU：轉坐輪椅抱BB囉，唔使摺都上到。
Kahip Ko：以佢嘅觀點係咪如果你屋企有小朋友嘅，有同情心，㗎BB車就可以摺得埋上到車？
King Fai：我記得有規則話要摺左部BB車先上得。
Icecheng Cheng：咪玩啦差唔多款都可以摺啦！

jackiechan5033

不摺起嬰兒車,梗係唔得啦！婦人行為野蠻，
不懂規矩,如果個個都咁樣，香港亂晒籠啦！

野蠻人

jackiechan5033

做壞規矩！呢啲係運輸署定落咗嘅規矩，大家都要執行!
不可自私只顧自身方便,罔顧行車時其他乘客安全!
另如果該婦不是激動,無理怒罵車長在先;
其後更危險地將BB車推至車頭前阻礙巴士開出,仲鬧人冇人情味！
而係接受勸告,禮貌提出需協助嘅話,司機同身邊其他乘客都會樂意幫忙!