油麗邨平台長鎖 房署僵化嘥地

VickYeung

油麗邨平台長鎖　房署僵化嘥地

【on.cc東網專訊】「平台側邊都種晒花花草草，但係度門就鎖住冇得入去，得個睇字嘥晒啲空間！」廖女士居於油塘油麗邨多年，指康麗樓高層有2個戶外空中平台，惟出入口長年被鎖上，令住戶「有得睇、冇得用」，不滿房署任由場地白白丟空，「35同39樓都有一個平台，夾埋都成幾百呎地方，想入去行吓、睇吓風景都唔得，如果唔係鄰居講起，根本唔知有個咁嘅地方！」

記者曾與觀塘區議會房屋事務委員會委員謝淑珍到場了解，謝指過去已有居民不滿房署未能善用土地資源，「難得成條邨得康麗樓多咗2個平台出嚟做綠化，近高層陽光又充足，用盡空間畀居民種啲唔惹蚊嘅小植物，都係唔錯嘅選擇！」

謝又稱，該平台出入口甚至走廊經常放有盆栽，反映居民對平台劃作栽種園地的需求甚殷，建議房署展開研究，並就開放空中平台的可行性向居民進行諮詢，真正回應居民訴求。

房屋署發言人解釋，由於康麗樓位置貼近屋邨地界，根據建築物條例，部分高層單位須後移，形成現有2個平台，而有關平台並非居民康樂設施的一部分，基於安全及保安理由，現時未有計劃開放。

發言人補充，現時平台種植易於護理的植物作觀賞及美化用途外，亦可幫助減低外牆的溫度及陽光折射，而日常的保養及維修工作均由物業服務辦事處負責，強調會因應各屋邨的特色及地理條件，提供合適的設計，在規劃綠化平台及其他綠化設施時，亦會考慮各方面的利益。

「居民有需求就已經證明咗封場未必係最好嘅做法！」立法會房屋事務委員會委員梁耀忠認為，房署以居民安全為首要考慮屬無可厚非，但一刀切封場的做法則有如「斬腳趾避沙蟲」，要求當局為涉事平台加設足夠的防墜設施，滿足需求的同時，亦能確保居民安全，「加高平台嘅圍欄、加裝透明膠板甚至防墜網，都有助提高安全系數，冇理由得個『擺』字咁嘥料！」

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

哦

jp_dannywong

chan328

rainbow`

如果開放既話果層咪好多人出入囉，保安點先

MaggieWong

唔講都唔知有平台

lamchauho

點止３５樓同３９樓，地下同１樓之間都有，但無出入口，只可從１樓樓梯行落去推門！

lamchauho

回應 #5 rainbow`

３５／３９樓在左／右翼頂層，無出入口

rainbow`

回應  rainbow`
３５／３９樓在左／右翼頂層，無出入口
lamchauho 發表於 2016-02-20 13:03:52 原文

但果層會好多非果層既人出入，雖然話自已果座樓既居民遮，如果住果層咪好唔安心囉

lamchauho

回應 #9 rainbow`

樓內居民不用擔心,隨花花草草愛好者正常不會去,不會太多嘈音,而且我入過康麗樓,單位門隔音好勁