由維修學徒做起 兼職車長訴說血淚史

folee2008

由維修學徒做起　兼職車長訴說血淚史

二十四歲嘅周健榮在Facebook開設專頁「巴士維修技工的載客賣血生涯」，有幾辛苦？等他自爆。

「等到十八歲，我即刻申請入九巴做維修學徒，夏天個廠無冷氣成四十度，要爬高爬低仲要捐入車底，出番嚟成個頭都係偈油，手腳甚至流出嚟嘅鼻涕都係黑色。」

「做學徒其實為咗實現我做司機嘅終極夢想，好多師兄睇死我瘦，實捱唔到，但我俾足心機去學，同一款車、同一壞法，點解有人要一個鐘至整好、有人半個鐘就得？我開始留意其他師兄整車方法，試過挑戰自己一日整六架。維修好架巴士坐上司機位開車嗰刻，真係好爽，班師兄仲改口話我可以做接班人。」

「最後我真的能完成，那份成功感是難以形容給你聽。不看好我不要緊，到最後，我真是用雙手去完成整件事」，「你是維修好一輛巴士，令它能成功出街載客，接載乘客到目的地。現在我再做兼職車長，自己駕駛自己維修好的巴士，那份喜悅是很難形容給你聽。」

撰文：黎雅婷
攝錄：葉漢華

folee2008

做麥記儲錢考牌　無懼白眼立志揸巴士

人冇夢想同條鹹魚有咩分別，小學時人人都問：「你夢想係乜？」不如聽吓，在Facebook開設專頁「巴士維修技工的載客賣血生涯」，講自己做九巴司機有幾投入、幾鍾意自己份工，二十四歲嘅周健榮點講。

「夢想，最啱聽嘅答案係飛機師、律師、老師……我都係司，不過係司機個司，仲要係巴士司機。係呀，吹咩。」

「細個媽咪成日帶我搭巴士，仲好記得係冇冷氣嘅，吹吓風嘅感覺好舒服。我仲會留意埋司機嘅舉動，覺得佢好勁，載住成車人呢度去嗰度去，所以我由細到大都想做巴士司機。」

「我讀書唔叻會考肥佬，中學畢業後去麥當勞和美心做侍應，因為要成年先可以考車牌，仲要有牌之後三年，先可以考巴士牌，所以我一直等自己夠秤。」

但我個心願始終都係做司機，升做技工半年後我就夠秤，當時半職司機請人我就申請，後來，我正式轉做兼職。點解唔做全職？因為做兼職最大好處，係可以自己揀返工時間。

我通常做一輪，儲夠錢、又買到平機票的話，就會去玩一、兩個星期再返來開工，做兼職至今我已經去過十二次旅行，都係日本韓國台灣。

撰文：黎雅婷
攝錄：葉漢華

folee2008

24歲九巴車長　為去旅行企硬做兼職
周健榮，二十四歲，在Facebook開設專頁「巴士維修技工的載客賣血生涯」，講自己做九巴司機有幾投入、幾鍾意自己份工，間中又會呻吓「賣血」。究竟有幾辛苦？記者約訪時，他才自爆原來只是兼職。

「我計過做兼職同做長工嘅月入其實唔係差太遠，我長開一個月，可賺到一萬七千元左右，只係無長工福利，但假期多就係王道啦。」

睇到呢度，你可能想鬧爆我：「又話做人要有夢想？講到咁偉大，夢想實現之後又唔認認真真做好佢。」係，你哋成日話九十後自我中心又唔負責任，但我只係想講：去旅行見識個世界、擴闊視野，比起日日淨係返工放工，其實得着更大。

未來三十年，我都會係巴士司機，我只想趁後生無養家重擔嘅時候，睇多啲、睇闊啲。

Well，我嘅夢想，唔係得一個。

撰文：黎雅婷
攝錄：葉漢華

Horribleellis

skleung88

欣賞樓主的堅持去尋夢!

ccschris

死靚仔，講到我都想去旅行，不過係眼睛睇住電視旅行

中三已做得维修学徒，唔洗等十八岁，去，ive读，读得叻，ferrari ,林宝会请，读得差，直入巴士厂或转行

jp_dannywong

阿米88

脚踏实地，好仔

louieyue